«ՆԱԽԱԳԱՀԻ ԳԵՐԻՇԽԱՆՈՒԹՅԱՆ ԴԵՊՔՈՒՄ ԿՈՒՍԱԿՑՈՒԹՅՈՒՆՆԵՐԸ ՉԵՆ ԿԱՅԱՆՈՒՄ»

«ՆԱԽԱԳԱՀԻ ԳԵՐԻՇԽԱՆՈՒԹՅԱՆ ԴԵՊՔՈՒՄ ԿՈՒՍԱԿՑՈՒԹՅՈՒՆՆԵՐԸ ՉԵՆ ԿԱՅԱՆՈՒՄ»

Սահմանադրական բարեփոխումների նախնական տարբերակի յոթ գլուխները հրապարակվել են: Ընդդիմությունը, սակայն, պնդում է` իշխանությունը նոր Սահմանադրությամբ ցանկանում է վերարտադրվել, երկարաձգել իր իշխանությունը եւ միակուսակցական համակարգ ստեղծել: Ընդդիմադիր «Ժառանգություն» կուսակցության փոխնախագահ Արմեն Մարտիրոսյանը «Իրավունքի» հետ զրույցում մտահոգություն էր հայտնել, որ եթե Սահմանադրության փոփոխված տարբերակն ընդունվի, ապա ընդդիմադիր կուսակցությունները ներսից «կպայթեն»:

ԵՊՀ պետության եւ իրավունքի տեսության ու պատմության ամբիոնի վարիչ Արթուր Վաղարշյանից «Իրավունքը» պարզեց` արդյոք ընդունում է ընդդիմադիրների մտահոգությունը: Ըստ մասնագետի` Սահմանադրության փոփոխված տարբերակում համամասնական ընտրակարգին է տրված նախապատվությունը, որը ճիշտ է, քանզի մեծամասնական ընտրակարգը սպառել է իրեն: «Երկրորդ` եթե 1990-ականներից սկսած նայենք, ձեզ մոտ կա տպավորություն, որ Հայաստանը միակուսակցական համակա՞րգ է: Որոշակի հնգամյակ կարող է միակուսակցական լինել: Բա ընտրություններ են: Վատատես մի եղեք, քանի որ երկրում իրավիճակը կարող է փոխվել»,- կարծում է մասնագետը:
Ինչ վերաբերում է կուսակցությունների ներսից պայթելուն, խորհրդարանական համակարգի առկայության դեպքում նման բան չի լինի, մինչդեռ նախագահի գերիշխանության դեպքում կուսակցությունները չեն կայանում:
Արթուր Վաղարշյանը, սակայն, կարծում է, որ Հայաստանի համար կառավարման հաջող մոդել կլինի սահմանադրական միապետությունը:
ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝