ԾԱՌԵՐԻ «ՑԵՂԱՍՊԱՆՈՒԹՅՈՒՆ»` ՀԱՆՔԱՎԱՆՈՒՄ. ՏԵՍԱՆՅՈՒԹ, ՖՈՏՈՇԱՐՔ
Արխիվ 12-16ԾԱՌԵՐԻ «ՑԵՂԱՍՊԱՆՈՒԹՅՈՒՆ»` ՀԱՆՔԱՎԱՆՈՒՄ. ՏԵՍԱՆՅՈՒԹ, ՖՈՏՈՇԱՐՔ
«Իրավունք»-ի թղթակիցն օրեր առաջ Հանքավանում` «Լուսաբաց» ճամբարի դիմաց գտնվող եղեւնիների անտառում, ականատես է եղել, այսպես ասած, ծառերի «ցեղասպանության»: Բանն այն է, որ անհայտ անձինք, օգտվելով այն հանգամանքից, որ տարածքը աչքից հեռու վայրում է, հատել են մի շարք հաստաբուն ծառեր: Ընդ որում` մի քանի հատած ծառերի բները հատողները մեծ քարերով են ծածկել`ուշադրություն չգրավելու համար: Ծառերից մեկն էլ բարբարոսաբար արմատախիլ էին արել այն հույսով, որ, հավանաբար, մի քանի օր անց այն մաս-մաս տեղափոխեն եւ, ինչու չէ, որպես վառելափայտ իրացնեն:
Նախորդ տարի բնապահպանության նախարարը կուրծք ծեծելով հայտարարում էր, որ իրենք պայքարելու են անտառահատումների դեմ եւ իրենց աշխատանքի շնորհիվ անտառահատումների թիվն ավելի նվազել է:
Հուսանք` բնապահպանության նախարարությունը հետամուտ կլինի պատժելու մեղավորներին, հակառակ դեպքում Արամայիս Գրիգորյանի խոստովանությունը, թե այստեմպերով շարունակվելու դեպքում անտառներ չենք ունենա, կդառնա իրականություն:










Սոնա Դավթյան
Բաժանորդագրվե՛ք https://t.me/iravunk