ԹՈՒՐՔԻԱՆ ՆԵՐՔԻՆ ԵՎ ԱՐՏԱՔԻՆ ՄԱՐՏԱՀՐԱՎԵՐՆԵՐԻ ԿԻԶԱԿԵՏՈՒՄ

ԹՈՒՐՔԻԱՆ  ՆԵՐՔԻՆ  ԵՎ  ԱՐՏԱՔԻՆ ՄԱՐՏԱՀՐԱՎԵՐՆԵՐԻ

ԿԻԶԱԿԵՏՈՒՄ

Թուրքիան օգտվելով Հյուսիսատլանտյան դաշինքի պայմանգրի չորրորդ կետից, ՆԱՏՕ-ի անդամ երկրների պատվիրակների  արտակարգ նիստ է հրավիրել: Նախատեսվում է, որ նիստի ժամանակ քննարկվելու է «Իսլամական պետություն» (ԻՊ) խմբավորման և քուրդ անջատողականների դեմ  իրականացվելիք ռազմական գործողությունները և դրանք համակարգելու ուղղությամբ ձեռնարկվող քայլերը: «Բի բի սի»-ի տեղեկացմամաբ նախատեսվում է, որ հանդիպումը տեղի կունենա երեքշաբթի՝ Բրյուսելում:

Ավելի վաղ Թուրքիայի զինված ուժերը մի քանի օդային հարվածների էին ենթարկել  Սիրիայի ԻՊ գրոհայիններին: Բացի այդ, օդային թռիչքներ էին իրականացրել Իրաքի հյուսիսում գտնվող «Քրդստանի աշխատավորակն կուսակցության» (ՔԱԿ) ճամբարների ուղղությամբ, իսկ հուլիսի 20-ին անհայտ զինված մահապարտն իրեն պայթեցրել էր, սպանելով 32 մարդ: Այդ քայլը ՔԱ կուսակցությունն ընդունել էր որպես Թուրքիայի և ԻՊ միջև համագործակցության դրսևորում և պատասխան հարձակում էր իրականացրել սպանելով երկու թուրք ոստիկանի: Հետագայում արդեն, կիրակի օրը թուրքական օդուժի կողմից դեպի Իրաքի հյուսիս իրականացրած թռիչքները փաստացի զրոյացրել են երկու պետությունների միջև երկու տարի ընթացող բանակցությունների արդյունքները:

«Բի բի սի»-ի թուրքական թղթակից Մարկ Լոուենի  տեղեկացմամբ Թուրքիայում մտավախություն կա, որ թուրքական կառավարության և քրդերի միջև լարվածությունը կարող է նոր թափ ստանալ: Եթե Թուրքիայում կրկին ներքաղաքական կոնֆլիկտը սրվի, ապա այն  կարող է խզել ջիհադիստների դեմ մղվող Արևմուտքի ջանքերը, գրում է «Բի բի սի»-ն:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝