ՕՊԵՐԱՅԻՆ ԹԱՏՐՈՆԻ ԴԵՐԱՍԱՆՆԵՐԻՆ ԱՐՁԱԿՈՒՐԴ ԿՈՒՂԱՐԿԻ «ԺԻԶԵԼԸ»
Արխիվ 12-16
ՕՊԵՐԱՅԻՆ ԹԱՏՐՈՆԻ ԴԵՐԱՍԱՆՆԵՐԻՆ
ԱՐՁԱԿՈՒՐԴ ԿՈՒՂԱՐԿԻ «ԺԻԶԵԼԸ»
Հուլիսի 28-ին եւ 30-ին Ա. Ադանի հանրահայտ «Ժիզել», երկու գործողությամբ վերականգնված բալետային ներկայացումով, կեզրափակվի Ա. Սպենդիարյանի անվան օպերայի եւ բալետի ազգային ակադեմիական թատրոնի 82–րդ թատերաշրջանը:
«Ժիզել» բալետային ներկայացումը վերականգնել է բալետմեյստեր, ՀՀ ժողովրդական արտիստ Վիլեն Գալստյանը, ՀՀ վաստակավոր արտիստ Կարեն Դուրգարյանի դիրիժորությամբ: Ներկայացման մեջ ներգրաված են թատրոնի առաջատար արտիստներ Ս. Առուստամյանը, Ժ. Սարխոշյանը, Մ. Դիվանյանը, Ս. Փիրումյանը, Մ. Հովհաննիսյանը, Ռ. Մուրադյանը, Ս. Ավետիսյանը, Հ. Քյուրջյանը, Զ. Հարությունյանը:
Ա. Ադանի դրամատիզմով հարուստ այս ստեղծագործության շնորհիվ բեմում ներկայացվում են շքեղ տեսարաններ: Ներկայացումը հարուստ է ակնառու գործողություններով, նրբագեղությամբ եւ բալետային ինքնատիպ ձեռագրով: «Ժիզելը» ռոմանտիկական բալետի բարձրակետն է համարվում, որը համաշխարհային հեղինակավոր թատրոնների մշտական խաղացանկի ամենից պահանջված ստեղծագործությունների ցանկում է:
«Ժիզել» բալետի հիմքում ընկած է մի հին պոետիկ լեգենդ, թե ինչպես մինչեւ հարսանիքը մահացած հարսնացուները` «վիլլիսները», կեսգիշերին դուրս գալով շիրիմներից, սկսում են պարել` ձգտելով նորից վերապրել իրենց երջանիկ օրերը: Այստեղ սերն անասելիորեն ուժեղ է մահից, հաղթում է մահվանը՝ հերթական անգամ փաստելով սիրո անմահությունը:
ԼԻԼԻԹ ԵՂԻԱԶԱՐՅԱՆ
Բաժանորդագրվե՛ք https://t.me/iravunk
1
31242 դիտում
2
5386 դիտում
3
2485 դիտում
4
1760 դիտում
5
1614 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
