«ՊՈԼԻՏԻԿԱՆ» ՀԱՆԱՔ ՄԱՍԽԱՐՈՒԹՅՈՒՆ ՉԷ

«ՊՈԼԻՏԻԿԱՆ» ՀԱՆԱՔ ՄԱՍԽԱՐՈՒԹՅՈՒՆ ՉԷ

ՌԴ հայերի միության նախագահ,  ռուսաստանաբնակ Արա Աբրահամյանի ցանկությունը մտնելու Հայաստանի քաղաքական դաշտ շարունակվում է քննարկել  մամուլի կողմից: Տարբեր վարկածներ, ենթադրություններ են արվում, թե ինչ ձեւաչափով` որ կուսակցությունով  Արա Աբրահամյանը  մուտք կգործի քաղաքական դաշտ:

Հիշեցնենք` մամուլում շրջանառվում է հիմնականում ՀԴԿ-ի անունը, որի ղեկավարը, Համաշխարհային հայկական կոնգրեսի առաջին փոխնախագահ Արամ Սարգսյանը սերտ կապեր ունի Արա Աբրահամյանի հետ: ՕԵԿ-ի անունը եւս շրջանառվում է, քանի որ Արա Աբրահամյանը վերջերս մասնակցել է  ՕԵԿ ղեկավար Արթուր Բաղդասարյանի որդու նշանադրությանը եւ դարձել նշանադրության  քավորը:

Հստակ պատասխան ստանալու համար «Իրավունքը» մի քանի գրավոր հարց էր ուղարկել Արա Աբրահամյանին, բայց պարզվում է`գործարարը մեկնել է  հանգստի. «В связи с тем, что президент САР А.А.Абрамян со вчерашнего дня  (նկատի ունի հուլիսի 17 –ին-խմբ.) находится в длительной заграничной командировке и вернется в Россию лишь во второй половине сентября, в настоящее время нет возможности ответить на присланные вопросы, направленные на его имя.
С уважением, пресс-служба САР»:

Թե արտերկրյա ինչ գործուղման մասին է խոսքը, պատասխանում ասված չէ, բայց կարելի է ենթադրել` Արա Աբրահամյանը  դեռ  չի որոշել` ինչպես, ինչ ձեւաչափով, ամենակարեւորը ում միջոցով է մուտք գործելու քաղաքական դաշտ: Ինչպես ժողովուրդ է ասում` «պոլիտիկան» հանաք մախսարություն չէ, ամեն մարդու խելքի բանը չէ:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝