Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

ՆԱԽԱԳԻԾ` ՆՎԻՐՎԱԾ «ՏԱՆԸ ՄՆԱՑԱԾ» ԱՂՋԻԿՆԵՐԻՆ (ՊՐԵՄԻԵՐԱ)

Արխիվ 12-16

ՆԱԽԱԳԻԾ` ՆՎԻՐՎԱԾ «ՏԱՆԸ ՄՆԱՑԱԾ» ԱՂՋԻԿՆԵՐԻՆ

(ՊՐԵՄԻԵՐԱ)


Երեկվանից համացանցում հասանելի է հումորիստ ԱՆԴՐԱՆԻԿ ՇԱՀԻՆՅԱՆԻ հեղինակած եւ դերասան, ռեժիսոր Արմեն Դալլաքյանի ռեժիսուրայով «Էնդորֆին» հումորային տեսահոլովակը, որը պատմում է երկու տանը մնացած աղջիկների մասին: Տեսահոլովակը, կարծես, նշան է, որ Ա. Շահինյանը կրկին վերադառնում է ասպարեզ: Չնայած Անդրանիկն այդ կարծիքին չէ. «Երբեք չեմ հեռացել ասպարեզից, եթե մտածում եք, որ վերադարձել եմ, թող այդպես լինի»:

Նման տեսահոլովակի մասին հումորիստն ասաց, որ վաղուց է մտածել եւ. «Կարելի է ասել, որոշեցի ու նկարահանեցինք Արմեն Դալլաքյանի հետ միասնական ուժերով: Էլ չեմ ասում, որ  ինձ հետ նկարահանվեց տաղանդավոր արտիստ Արտյոմ Սիմոնյանը, որն ինձ շատ օգնեց այս գործն իրականություն դարձնելու հարցում»:

«Իրավունքի» այն հարցին, թե որոշեց հենց այս թեմային անդրադառնալ, որովհետեւ տանը մնացածները շա՞տ են հումորիստի շրջապատում, Անդրանիկը ժխտեց. «Ոչ, այստեղ խոսքը մեր երկու դերերի մասին է` որպես տանը մնացած աղջիկներ: Դրանք իմ ստեղծած կերպարներն են, որը շարունակական բնույթ է կրելու, եւ հետո` թեման կրկին նույն հերոսներն են լինելու, սա շատ ակտուալ թեմա է, որը ծիծաղ է առաջացնում: Սա «Էնդորֆին»  նախագիծն է, որի շրջանակներում առաջիկայում կլինեն նոր տեսահոլովակներ, նաեւ համերգներ: Այս ամենն անում եմ իմ երկրպագուների համար, որոնք անցնում են միլիոնի սահմանագիծը, ես պարտավոր եմ  նրանց ժպիտ ու ծիծաղ պարգեւել»:

Իսկ այս երկու օրերի հնչած դրական եւ հատկապես բացասական կարծիքներին Անդրանիկը նորմալ է վերաբերվում, ըստ նրա, կարծիքները կարող են շատ տարբեր լինել. «Ես հարգում եմ բոլորի կարծիքները, չէ որ ամեն ինչ արվում է մարդկանց ժպիտ ու ծիծաղ պարգեւելու համար: Իսկ այն մարդիկ ովքեր վատ են ընդունում` նորմալ եմ վերաբերվում, դա մենք ենք` հայերով: Ես բոլորին էլ սիրում եմ, որովհետեւ նրանց երակներում հայի արյուն է հոսում»:

 

 

ԼԻԼԻԹ ԵՂԻԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ