ԻՏԱԼԻԱՅՈՒՄ ՀԱՅ ԵՐԳՉՈՒՀԻՆ ԱՐԺԱՆԱՑԵԼ Է ՈՍԿԵ ՄԵԴԱԼԻ ԵՎ ԳԱՎԱԹԻ
Արխիվ 12-16
ԻՏԱԼԻԱՅՈՒՄ ՀԱՅ ԵՐԳՉՈՒՀԻՆ ԱՐԺԱՆԱՑԵԼ Է ՈՍԿԵ ՄԵԴԱԼԻ ԵՎ ԳԱՎԱԹԻ
Հունիսի 13-16-ը Իտալիայի Քեթի քաղաքում տեղի ունեցած վոկալի ամենամյա միջազգային մրցույթում Հայաստանը ներկայացրած դասական երգերի մենակատար ԼԻԼԻԹ ՀԱՄԲԱՐՁՈՒՄՅԱՆԸ վերադարձել է կրկնակի մրցանակով: Երգչուհին միջազգային ժյուրիի առջեւ հանդես գալով երկու ժանրերում` ակադեմիական վոկալ եւ հեղինակային կատարում, արժանացել է ոսկե մեդալի եւ գավաթի: «Իրավունքի» հետ զրույցում Լիլիթը պատմեց իր հաղթանակի եւ օտարներին հայկական հոգեւոր երգով հուզելու մասին. «Մրցույթին մասնակցում էին տարբեր երկրների 44 երգիչներ եւ 12 երգչախումբ: Երկու տարբեր ժանրերում օտար հանդիսատեսին ներկայացրի իմ հեղինակային «Հայաստան» եւ կոմպոզիտոր Արթուր Հակոբյանի կողմից հատուկ իմ ձայնի համար գրված «Փառաբանություն» երգերը: Վոկալի առումով ընտրել էի բավականին բարդ ստեղծագործություններ, որոնք հեշտությամբ կարողացա հաղթահարել»:
Մրցույթից հետո բոլոր մասնակիցները ելույթ են ունեցել նաեւ Իտալիայի Պանթեոնում, որն ըստ Լ. Համբարձումյանի` բացառիկ հնարավորություն էր բոլոր մասնակիցների համար, քանի որ ոչ բոլոր կազմակերպություններին է տրվում հնարավորություն համերգ ունենալ այնտեղ. «Պանթեոնում կատարեցի Սուրբ Պատարագից մի հատված` աչքերս փակ, երբ երգն ավարտվեց ու աչքերս բացեցի, տեսա, որ հավաքվածներից շատերը հուզված են: Առանց երգի բառերը հասկանալու` նրանք հուզվել էին, հետո մոտեցան ինձ ու հետաքրքվեցին, թե ինչ երգ կատարեցի, որից հիասքանչ հնչյուններ էին դուրս գալիս: Հպարտ եմ, որ կարողացա մեր հոգեւոր երաժշտությունը հնչեցնել այդպիսի վայրում եւ տարբեր ազգերի առջեւ»,- ընդգծեց երգչուհին:
ԶՎԱՐԹ ԽԱՉԱՏՐՅԱՆ
Բաժանորդագրվե՛ք https://t.me/iravunk
1
31234 դիտում
2
5359 դիտում
3
2485 դիտում
4
1760 դիտում
5
1614 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
