ԻՐԱՆՑԻ ՓՈՐՁԱԳԵՏ. «ԱԴՐԲԵՋԱՆԱԿԱՆ ԼՈԲԲԻՆ ԱԿՏԻՎ Է ԻՐԱՆՈՒՄ». ՏԵՍԱՆՅՈՒԹ

ԻՐԱՆՑԻ ՓՈՐՁԱԳԵՏ. «ԱԴՐԲԵՋԱՆԱԿԱՆ  ԼՈԲԲԻՆ ԱԿՏԻՎ

Է ԻՐԱՆՈՒՄ». ՏԵՍԱՆՅՈՒԹ

Այս տարի  Ապրիլի 23-ին Թեհրանի Հայոց Թեմն Իրանում ՀՀ դեսպանության աջակցությամբ Թեհրանի Սուրբ Սարգիս առաջնորդանիստ եկեղեցու տարածքում կազմակերպեց Հայոց ցեղասպանության 100-րդ տարելիցին նվիրված միջոցառում: Միջոցառմանը ներկա էին թեհրանահայ համայնքը, Իրանի Մեջլիսի պատգամավորներ և այլ պաշտոնյաներ, Թեհրանում հավատարմագրված դեսպաններ և դիվանագիտական առաքելությունների ղեկավարներ: Միջոցառման ընթացքում ուղիղ եթերով հեռարձակվեց Էջմիածնում Հայոց ցեղասպանության զոհերի սրբադասման արարողությունը:

Սակայն Իրանը մինչ այսօր պաշտոնապես չի ճանաչել Հայոց ցեղասպանությունը:  Ի՞նչն է խանգարում Իրանին այդ քայլն անելու, երբ Իրանը կգնա այդ քայլին, պարզեց «Իրավունքը» իրանցի փորձագետ Փույա Հոսսեինից: «Իրանը բոլոր հարեւանների հետ ցանկանում է ունենալ բարիդրացիական հարաբերություններ: Իրանի համար դժվար է ճանաչել Հայոց ցեղասպանությունը, քանի որ  ադրբեջանական լոբբին  ակտիվ է Իրանում»,- ասաց  փորձագետը:

Իրանի հայկական համայնքն  Իրանի  խորհրդարանում երկու հայ պատգամավոր ունի, որոնք պարբերաբար են  Իրանի իշխանությունների առաջ բարձրաձայնում  Հայոց ցեղասպանության հարցը:

Մանրամասները`տեսանյութում:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝