ՀԱՅԱՍՏԱՆԻ ԵՎ ԱԴՐԲԵՋԱՆԻ ՀՈԳԵՎՈՐ ԱՌԱՋՆՈՐԴՆԵՐԸ ԿԱՐՈ՞Ղ ԵՆ ՆՊԱՍՏԵԼ ԼՂ ԽՆԴՐԻ ԼՈՒԾՄԱՆԸ. ՏԵՍԱՆՅՈՒԹ

ՀԱՅԱՍՏԱՆԻ ԵՎ ԱԴՐԲԵՋԱՆԻ ՀՈԳԵՎՈՐ

ԱՌԱՋՆՈՐԴՆԵՐԸ ԿԱՐՈ՞Ղ ԵՆ  ՆՊԱՍՏԵԼ  ԼՂ ԽՆԴՐԻ

ԼՈՒԾՄԱՆԸ. ՏԵՍԱՆՅՈՒԹ

«Հայացք» կիրառական եւ քաղաքական  հետազոտությունների  վերլուծական կենտրոնի փորձագետ Նաիրա Մկրտչյանն մի քանի օր առաջ է վերադարձել Ղազախստանի մայրաքաղաք Աստանայից, որտեղ  մասնակցել է  համաշխարհային եւ ավանդական կրոնների  առաջնորդների 5-րդ համագումարին, որին  մասնակցում  էին նաեւ  քաղաքական գործիչներ: «Ականատես ենք լինում տարբեր հակամարտությունների, որոնք իրականում  քաղաքական բնույթ ունեն, բայց կրոնական շղարշով են  ծածկված»,- մանրամասնեց   բանախոսը:

Այս համագումարը  կարեւոր է  Հայաստանի համար, քանի որ Ղազախստանում  պաշտոնական տվյալներով ապրում է  25.000,  ոչ պաշտոնական  թվերով` 60.000 հայ: «Երբ  մեր հայրենակիցներից մի քանիսի հետ խոսեցինք, նրանք ասում էին, որ Ղազախստանում  հանդուրժողական վերաբերմունք ունեն այլ կրոնների հանդեպ»:

Արդյոք հնարավոր է հոգեւոր առաջնորդների աջակցությամբ լուծել արցախյան  հակամարտությունը: Ասել է թե` ամենայն հայոց կաթողիկոս Գարեգին Բ-ի եւ  Ադրբեջանի հոգեւոր առաջնորդ Շեյխ-ուլ-Իսլամ Ալլահշուքյուր Փաշազադեի  ջանքերով խնդիրը լուծվի:

«Այդ համագումարին հենց այդ խնդրի մասին էր խոսվում: Նույնիսկ համագումարի մասնակիցներից մեկն ասաց, որ  երբ ժողովուրդները տեսնում են, թե ինչպես են հոգեւոր առաջնորդները միմյանց հետ խոսում, ժպտում, ծիծաղում, դա ցանկացած զեկուցումից ավելի ազդեցիկ է: Եթե էդպիսի բան լինի (նկատի ունի Ադրբեջանի եւ Հայաստանի հոգեւոր առաջնորդների շփումը-խմբ.), դա լավ կլինի»,- եզրափակեց  վերլուծաբանը:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝