ԱՐՄԵՆ ՄԱՐՏԻՐՈՍՅԱՆԸ Ե՞ՎՍ ԴԱՎԻԹ ՍԱՆԱՍԱՐՅԱՆԻ ՀԵՏ ԿՓԱԿԻ ԵՐԵՎԱՆԻ ՓՈՂՈՑՆԵՐԸ

ԱՐՄԵՆ ՄԱՐՏԻՐՈՍՅԱՆԸ Ե՞ՎՍ ԴԱՎԻԹ ՍԱՆԱՍԱՐՅԱՆԻ ՀԵՏ ԿՓԱԿԻ ԵՐԵՎԱՆԻ  ՓՈՂՈՑՆԵՐԸ

«Ոտքի Հայաստան» նախաձեռնությունը հուլիսի 27- 31-ը փակելու Երեւանի գլխավոր փողոցները: Նախաձեռնության անդամ, Երևանի ավագանու «Բարև, Երևան» խմբակցության անդամ, «Ժառանգության» մամլո խոսնակ  Դավիթ Սանասարյանը հայտարարեց. «Քրեաօլիգարխիկ համակարգը էլեկտրաէներգիայի մասին հարցը փակված համարելով՝ անցում է կատարում իբրև Սահմանադրության փոփոխություններին: Ամեն քայլափոխի Սահմանադրությունը բռնաբարող իշխանությունն իրավունքի ունի՞ Սահմանադրությունը փոխելու: Ժամանակն է, որ համախմբվենք, որ էներգետիկ համակարգի հոշոտումը կանգնեցնենք այս իշխող իշխանություններից: Եկեք կողք կողքի կանգնենք, մեզ միավորող գաղափարի շուրջ հավաքվենք ու թույլ չտանք էներգետիկ համակարգի ոչնչացումը»:

Ինչպիսի դիրքորոշում ունի «Ժառանգությունը» իր մամլո խոսնակի այս քայլի վերաբերյալ,  ընդունելի է համարում այն, թե ոչ, պարզեց «Իրավունքը» «Ժառանգության» կուսակցության փոխնախագահ Արմեն Մարտիրոսյանին:

- Պրն Մարտիրոսյան, «Ժառանգությունում» քննարկվել է Դավիթ Սանասարյանի այս հայտարարությունը եւ  ի՞նչ դիրորոշում ունի կուսակցությունը  փողոցները փակելու կոչի վերաբերյալ:

- Դավիթ Սանասարյանը քաղաքացիական իր իրավունքների շրջանակում է գործում եւ դա բացարձակ կապ չունի  «Ժառանգության» հետ: Ինչ վերաբերում է  կուսակցության դիրքորոշումը, ապա այդ հարցյը չի քննարկվել կուսակցությունում:

- Պրն Սանասարյանը նման քայլեր անելուց առաջ  խորհրդակցո՞ւմ է իր կուսակիցների հետ:

- Վարչությունում որեւէ քննարկում չի եղել:

- Դուք,  որպես ՀՀ քաղաքացի, կմիանա՞ք նախաձեռնությանը:

- Ես  որպես քաղաքացի  միանում եմ այն քայլերին, որոնք, կարծում եմ, նպաստավոր կլինեն Հայաստանի համար:

- Այսինքն` Դուք  լինելո՞ւ եք փողոցները փակողների շարքում:

- Չգիտեմ` պետք էիմանամ` ցանկությունն ու նպատակն ինչ է: Բազմաթիվ հարցեր կան, որոնց պատասխանները պետք է իմանամ ու նոր որոշեմ` միանամ, թե ոչ:

Մանրամասները` «Իրավունքի»  հուլիսի 22-ի համարում:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝