ՌՈԲԵՐՏ ՔՈՉԱՐՅԱՆԻ ԳՐԱՍԵՆՅԱԿԸ ՉԻ ԽՈՍԻ ՄԻՆՉԵՎ ՍԵՊՏԵՄԲԵՐ

ՌՈԲԵՐՏ ՔՈՉԱՐՅԱՆԻ ԳՐԱՍԵՆՅԱԿԸ ՉԻ ԽՈՍԻ ՄԻՆՉԵՎ ՍԵՊՏԵՄԲԵՐ

Այս օրերին, երբ նույն ակտիվությամբ շարունակվում է  մամուլում խոսակցություններ պտտվել ՀՀ երկրորդ նախագահ Ռոբերտ Քոչարյանի հովանավորությամբ ԲՀԿ-ական պատգամավորներ Վարդան Օսկանյանի եւ Վահե Հովհաննիսյանի համատեղ կուսակցություն ստեղծելու լուրերը, համառորեն շարունակում են լռել ինչպես վերոնշյալ պատգամավորները, այնպես էլ ՀՀ երկրորդ նախագահի գրասենյակը: Այնուամենայնիվ, մեզ հաջողվեց այս անգամ կապ հաստատել Ռ. Քոչարյանի գրասենյակի ղեկավար ՎԻԿՏՈՐ ՍՈՂՈՄՈՆՅԱՆԻ հետ, ով դեռ մեր հարցերը չլսած` ասաց.

– Ես բավականին ժամանակ առաջ հայտարարել եմ, որ  Ռոբերտ Քոչարյանը հանդես է գալու արդիական հարցերի վերաբերյալ եւ իր տեսակետները հայտնելու է, ոչ մի նոր բան ասելու չունեմ:
– Իսկ գոնե կհերքե՞ք կամ հաստատե՞ք Օսկանյան-Վահե Հովհաննիսյան ձեւաչափով նոր կուսակցություն հիմնելու հարցում ՀՀ երկրորդ նախագահի մասնակցությունը:
– Չեմ ուզում հիմա մեկնաբանություն տալ:
– Երկրորդ նախագահի գրասենյակի ղեկավարը Դուք եք, կուղղորդե՞ք, թե այս հարցերով ում դիմեմ:
– Ամեն ինչ հասկանում եմ, բայց այս հարցերը թող մնան օգոստոսի վերջին կամ սեպտեմբերի սկզբին:
– Փաստորեն, ՀՀ երկրորդ նախագահը արձակուրդային շրջանո՞ւմ է:
– Այո, արձակուրդում է, արտասահմանում է գտնվում:

ՀՐԱՆՏ ՍԱՐԱՖՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝