ՈՒԿՐԱԻՆԱՅԻ ՆԱԽԿԻՆ ԴԵՍՊԱՆ ԲՈԺԿՈՆ ՉԻ ՎԵՐԱԴԱՌՆԱ ՀԱՅԱՍՏԱՆ
Արխիվ 12-16
ՈՒԿՐԱԻՆԱՅԻ ՆԱԽԿԻՆ ԴԵՍՊԱՆ ԲՈԺԿՈՆ ՉԻ ՎԵՐԱԴԱՌՆԱ ՀԱՅԱՍՏԱՆ
Ուկրաինայի արտակարգ եւ լիազոր դեսպան Իվան Կուխտան շուտով կլքի Հայաստանը: Նրան աշխատանքից ազատելու դիմումը Ուկրաինայի նախագահ Պյոտր Պորոշենկոն ստորագրել է հուլիսի 13-ին: Նշենք, որ արդեն իսկ թափուր մնացած դեսպանի պաշտոնի շուրջ բազմաթիվ խոսակցություններ են ծավալվում թե՛ սոցցանցերում, թե՛ լրատվական կայքերում: Եվ դրանցում մասնավորապես ասվում է, որ չի բացառվում կրկին ՀՀ-ում Ուկրաինայի արտակարգ եւ լիազոր դեսպան նշանակվի նախկինում այդ պաշտոնը ստանձնած Ալեքսանդր Բոժկոն: Այս լուրը ճշտելու համար «Իրավունքը» դիմեց Ուկրաինայի դեսպանությանը. «Մենք նման տեղեկատվություն դեռեւս չունենք, բայց, որքանով տեղյակ ենք, Ա. Բոժկոն արդեն թոշակի է անցել եւ դժվար թե վերադառնա»: Ի վերջո, թե ինչն է պատճառը, որ Ի. Կուխտային Ուկրաինայի նախագահն ազատեց աշխատանքից, դեսպանությունից ստացանք հետեւյալ պատասխանը. «Ազատման պատճառը դիվանագիտական առաքելության ավարտով է պայմանավորված: Չմոռանանք, որ արդեն հինգ տարի է նա դեսպան է: Այնպես որ, նրան ոչ ոք չի հեռացրել պաշտոնից»:
Ի դեպ, Պյոտր Պորոշենկոն դադարեցրել է նաեւ Թուրքիայում Ուկրաինայի պատվավոր հյուպատոս Լեւենթ Այդինի լիազորությունները` Անթալիայում ֆուտբոլիստ Սամյուել Էտո’Օին նվիրված պաշտոնական միջոցառմանը ՌԴ նախագահ Վլադիմիր Պուտինի դիմանկարով շապիկ կրելու համար:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
31262 դիտում
2
6094 դիտում
3
2505 դիտում
4
1760 դիտում
5
1614 դիտում
2
19232 դիտում
3
17693 դիտում
4
11364 դիտում
5
8086 դիտում
5
8286 դիտում
