ԴԱՎԻԹ ՍԱՆԱՍԱՐՅԱՆԸ 7 ՀՈԳՈՎ 5 ՕՐՈՎ ԱՐԳԵԼԱՓԱԿԵԼՈՒ Է ՓՈՂՈՑՆԵՐԸ
Արխիվ 12-16
ԴԱՎԻԹ ՍԱՆԱՍԱՐՅԱՆԸ 7 ՀՈԳՈՎ 5 ՕՐՈՎ ԱՐԳԵԼԱՓԱԿԵԼՈՒ Է ՓՈՂՈՑՆԵՐԸ
«Ոտքի, Հայաստան» քաղաքացիական նախաձեռնությունը հուլիսի 15-ին երթով շարժվեց Հայաստանի հանրապետական կուսակցության գրասենյակ, որտեղ բաց նամակ հանձնեց ՀՀ նախագահ Սերժ Սարգսյանին:
Շարժումը համակարգող Դավիթ Սանասարյանի խոսքով, տեղյակ են պահում Սերժ Սարգսյանին իրենց հետագա քայլերի մասին, եթե մինչև օգոստոսի 1-ը չեղյալ չհամարվի հոսանքի թանկացման դեմ ՀԾԿՀ-ի կայացրած որոշումը: Սակայն մինչ նամակի հանձնումը վերոնշյալ Դավիթ Սանասարյանը Բաղրամյան պողոտայում լրագրողներին ներկայացրեց այն երեք կետերը, որոնք պատրաստնվում են իրականացնել մոտ ժամանակներս.
Մենք անելու ենք դա երեք փուլով․
Առաջին փուլում բաժանելու ենք բոլոր քաղաքացիներին թռուցիկներ։ Հայաստանում ապրում է մոտ 600.000 ընտանիք, որոնք բնակվում են 40-ից ավել քաղաքներում եւ մոտ 800 գյուղական համայնքերում։ Մենք հասցնելու ենք մեր թռուցիկները առձեռն յուրաքանչյուր ընտանիքի։
Երկրորդ փուլում մենք հինգ օրով արգելափակելու ենք Երևանի և մյուս քաղաքների գլխավոր փողոցները։ Այդ ժամանակ բոլորին պարզ կդառնա, որ ոստիկանությունը անզոր է բիրտ ուժ կիրառել քաղաքացիների խաղաղ հավաքների դեմ։
Երրորդ փուլում մենք կրկին կբաժանենք թռուցիկներ և կբացատրենք բոլորին, թե ինչու է անհրաժեշտ համակարգված եղանակով հրաժարվել վճարել կոմունալ, նաև հեռախոսակապի վարձերը այնքան ժամանակ, մինչև որ չբավարարվեն ժողովրդի պահանջները»: 
Հ.Գ. Երեք կետերն ընթերցելուց հետո Դավիթ Սանասարյանը եւ Անդրեաս Ղուկասյանը 4-5 հոգու հետ միասին սկսեցին իրենց երթը: Ներկա գտնվողներից 70 տոկոսը լրագրողններ էին, 15 տոկոսը ոստիկաններ եւ ընդամենը մի քանի հոգի ցուցարար: Եթե Սանասարյանի երթին մասնակցում էին ընդամենը 6-7 հոգի, ապա պատկերացնել կարելի է, թե որքան մարդ կգա իր հանրահավաքին` հուլիսի 17-ին:
ԱՐՄԵՆՈՒՀԻ ՀԱԿՈԲՅԱՆ
Բաժանորդագրվե՛ք https://t.me/iravunk
1
31262 դիտում
2
6216 դիտում
3
2505 դիտում
4
1760 դիտում
5
1614 դիտում
2
19232 դիտում
3
17693 դիտում
4
11364 դիտում
5
8086 դիտում
5
8286 դիտում
