ԳԵՎՈՐԳ ՀԱԿՈԲՅԱՆ. «Հեռուստատեսությամբ հնչում է այնպիսի երաժշտություն, որը չէի ցանկանա հաճախ լսել»

ԳԵՎՈՐԳ ՀԱԿՈԲՅԱՆ. «Հեռուստատեսությամբ հնչում է այնպիսի երաժշտություն, որը չէի ցանկանա հաճախ լսել»

Վերջին տարիներին ձայնասակավառկներ թողարկելն ակտուալ չէ:  Նախ, «պիրատների» թեթեւ ձեռքով այն արդեն չի համարվում եկամտաբեր աշխատանք, որովհետեւ արտիստները չեն կարողանում հետ վերադարձնել ծախսած գումարները, եւ հետո` ժամանակակից տեխնոլոգիաների զարգացման շրջանում ձայնասկավառակներին փոխարինելու է եկել համացանը: Այդուհանդերձ, այս ամենն անտեսելով Ալ. Սպենդիարյանի անվան օպերայի եւ բալետի ազգային ակադեմիական թատրոնի մեներգիչ, ՀՀ Վաստակավոր արտիստ ԳԵՎՈՐԳ ՀԱԿՈԲՅԱՆԸ ավելին քան երկու տարվա աշխատանքի արդյունքում վերջերս թողարկեց իր առաջին ձայնասկավառակը` «Հայ դասական ռոմանսներ» խորագրով:

Երգչի խոսքով այն հասարակ ձայնասկավառակ չէ, ընդգրկված են հայ մեծանուն դասականների ստեղծագործություններ, ուստի շատ է ցանկանում, որ լայն տարածում գտնի հանրության շրջանում. «Նախ շատ զգույշ ենք մոտեցել , որովհետեւ դասական ստեղծագործություններ էին ու  մի քիչ այս կամ այն կողմ կարող էր լրիվ այլ բան ստացվել»,- «Իրավունքին» ասաց երգիչն ու  հավելեց, որ ձայնասկավառակի մտահղացումը առաջացել է հեռուստաեթերից հնչած  ոչ մաքուր երաժշտությունը լսելիս. «Չէի ցանկանա կոպիտ հնչեր, բայց այսօր հեռուստատեսությամբ հնչում է այնպիսի երաժշտություն, որը չէի ցանկանա հաճախ լսել: Եվ, քանի որ, ինքս դասական արվեստի ներկայացուցիչ եմ ու հեռուստատեսությամբ  դասական երգը հնչեցնելու համար փաստացի ոչինչ չունեի ձեռքիս տակ, այսինքն` խոսելու տեղ էլ չունեի, որպեսզի ինքս էլ չբողոքեի, որոշեցի անցնել գործի:  Խնդրեցի առաջին տիկնոջը` Ռիտա Սարգսյանին, որ  մենք ունենք հրաշալի կոմպոզիտորներ, որոնց  անգին ստեղծագործություններն ուղղակի մեր երիտասարդությունը չի  ճանաչում: Մինչ այս բոլոր այդ գործերը միայն դաշնամուրով են մատուցվել, ինչպես գրել են հեղինակները` բոլոր ռոմանսների բնօրինակները եղել է դաշնամուրային տարբերակով, դրա համար որոշեցի ինքս անել նվագախմբային տարբերակով` գործիքավորված եւ այդ ամենը հնչի նորովի: Առաջին տիկինը խրախուսեց իմ այդ գաղափարը եւ աջակցեց: Այդպես նրա բաձր հովանու ներքո այս  ձայնասկավառակը կյանքի կոչվեց, իսկ տպագրման հարցում աջակցեց ՀՀ մշակույթի նախարարությունը»:

Ի դեպ, Գեւորգի առաջարկով ձայնասկավառակն ընդգրկվել է Հայոց ցեղասպանության 100-րդ տարելիցի միջոցառումների ծրագրում. «Քանի որ հայ դասականների ռոմանսներն էին ընդգրկված ձայնասկավառակում, առաջարկս ընդունվեց,  ի վերջո, սա եւս ազգապահպան գործ է»:

Այս ամենով չի եզրափակվում ձայնասկավառակի գոյությունը, քանի որ արդեն  նախատեսվում է տեսահոլովակներ` ձայնասկավառակի երգերից մի քանիսի հիման վրա, որպեսզի այն նախ հնչի հեռուստատեսությամբ եւ ծառայի իր նպատակին:

ԼԻԼԻԹ ԵՂԻԱԶԱՐՅԱՆ

Հ.Գ. Երգչի հետ զրույցն ամբողջությամբ կարդացե՛ք այսօրվա տպագիր «Իրավունքում»:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝