ՍՏԵՐԼԻԳՈՎՆ ԱՐՑԱԽՈՒՄ ՄԻՍԻԱ՞ Է ԻՐԱԿԱՆԱՑՆՈՒՄ
Արխիվ 12-16
ՍՏԵՐԼԻԳՈՎՆ ԱՐՑԱԽՈՒՄ ՄԻՍԻԱ՞ Է ԻՐԱԿԱՆԱՑՆՈՒՄ
Գերման Սրերլիգովն իր ընտանիքի հետ Արցախի Հանարապետություն տեղափոխվելուց հետո դարձել է ոչ միայն տեղական, այլ միջազգային լրատվամիջոցների կողմից ամենաքննարկվող թեմաներից մեկը: Նրա մասին բազմաբնույթ հրապարակումներից այնքան էլ պարզ չէ, թե ռուս հայտնի գործարարի ընտրությունն իրականում ինչու՞ է հենց Արցախի վրա կանգնել: Հարցի մասին տարբեր մեկնաբանությունների պակաս գրեթե չկա, սակայն տեսակետներն առայժմ սոսկ տեսական բնույթ ունեն: Դժվար է հավատալ այն վարկածին, թե դրախտի փնտրտուքներ են Ստերլիգովին Արցախ բերել: Ավելի հավանական է թվում այն, որ «Ստերլիգով նախագիծն» ինքնանպատակ չի կարող լինել: Քաղաքագետ Լևոն Շիրինյանի կարծիքով Գերման Ստերլիգովի Արցախում հաստատվելու փաստը մշակութային-քաղաքակրթական մեծ ենթատեքստ ունի, քանի որ ռուս գործարարը ռուս ուղղափառ եկեղեցու ապաշխարհած հետևորդներից է և հասկանում է, որ քրիստոնեությունն Արևելքում մեծ նահանջ է ապրում թյուրքական ներկայիս «ռեակցիաների» պատճառով:
«Կարելի է նրան հազար բան էլ ասել՝ գերմանական շպիոն, ամերիկյան լրտես, ռուսական ԿԳԲ, բայց ինձ թվում է, որ նա իր վրա միսիա է վերցրել: Եթե նայում ենք, փաստորեն Արցախը արևմտյան քաղաքակրության առաջին բնակավայրն է, որն ընդվզել է թյուրքական բարբարոսության դեմ և ստացվում է, որ ուղղափառ մարդը եկել է սատարելու: Այդպիսի դեպքեր պատմության ընթացքում շատ են եղել, որ միսիոներներ են եկել, ապրել են Արևմտյան Հայաստանում, արարել են, աշխատել են և օգնել են տեղի բնակիչներին: Ես նրա քայլը դրան եմ նմանեցնում»,- ասում է քաղաքագետ Լևոն Շիրինյանը:
ԱՐՄԻՆԵ ԳՐԻԳՈՐՅԱՆ
Բաժանորդագրվե՛ք https://t.me/iravunk
1
31242 դիտում
2
5448 դիտում
3
2495 դիտում
4
1760 դիտում
5
1614 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
