ՀԱՄԱՍՅԱՆԻ ՀԱՄԵՐԳԱՅԻՆ ՇՐՋԱԳԱՅՈՒԹՅՈՒՆԸ ԱՐԵՎՄՏՅԱՆ ՀԱՅԱՍՏԱՆԸ ԶԱՎԹԱԾՆԵՐԻ ՍՐՏՈՎ ՉԷ

ՀԱՄԱՍՅԱՆԻ ՀԱՄԵՐԳԱՅԻՆ ՇՐՋԱԳԱՅՈՒԹՅՈՒՆԸ ԱՐԵՎՄՏՅԱՆ ՀԱՅԱՍՏԱՆԸ ԶԱՎԹԱԾՆԵՐԻ ՍՐՏՈՎ ՉԷ

Վերջերս ավարտվեց հայազգի հայտնի դաշնակահար ՏԻԳՐԱՆ ՀԱՄԱՍՅԱՆԻ «Լույսի լուսո» խորագիրը կրող համերգային շրջագայությունը, որը մեկնակրել էր Զվարթնոց տաճարից, ընթացավ ու եզրափակվեց Արեւմտյան Հայաստանում, չէր կարող անհետեւանք մնալ, քանի որ թուրք ժողովրդի` Արեւմտյան Հայաստանի այժմյան տերերի սրտով չէ, որ հայկական երաժշտություն հնչի հենց իրենց տիրապետության տակ գտնվող հայկական եկեղեցում: Դա հատկապես հունից հանել էր Կարսի ազգայնամոլներն, որոնք բացահայտ սպառնացել են, որ ստիպված են հայի որս սկսել Կարսում. «Այսուհետ բոլորն իմանալու են իրենց չափն ու սահմանը: Փորձում են մեր համբերությո՞ւնը չափել: Կարո՞ղ է` մենք էլ Կարսի փողոցներում հայերի որսի դուրս գանք»:

Այդ մասին, սակայն, Համասյանը ցավով արձանագրել է. «Տխուր է, երբ քեզ սպառնում են Կարսում` այն շրջանում, որտեղից գալիս են արմատներդ: Մենք ընդամենը երգել ենք հայերեն հոգեւոր երգեր եւ շարականներ: Ես դեմ եմ ցանկացած ծայրահեղության: Ատելությունը չէ այն պատճառը, որ մենք եկել ենք Կարս` կատարելու հայերեն շարականներ… Այլ եկել ենք` մարդկանց հիշեցնելու, որ ատելությունը չէ ազատ լինելու ու ինքդ քեզ հետ խաղաղ լինելու ճանապարհը, նաեւ հիշեցնելու, որ այն մարդիկ, ովքեր քաղաքական պատճառներով «օգտագործում են» հավատքը, մարդկանց միջեւ հաճախ ատելություն են ստեղծում: Շնորհակալություն բոլոր նրանց, ովքեր աջակցեցին Կարսում եւ Անիում կայացած համերգներին»:
Իրավիճակը զարմալի ու անսպասելի չէր, կարծում ենք, որովհետեւ դեռեւս 2009 թվականի ամռանը, երբ ՀՀ Վաստակավոր արտիստ, երգչուհի ՇՈՒՇԱՆ ՊԵՏՐՈՍՅԱՆԸ Արեւմտյան Հայաստան շրջագայության ժամանակ Չարենցի տան մոտ հանդիպել էր տարեց կանանց, նրանք նույնպես չարով լցված են եղել հայերիս հանդեպ: Այդ շրջագայությունից հետո «Իրավունքի» հետ զրույցում երգչուհին պատմեց. «Կարսում եղած միջադեպն ինձ զայրացրեց: Չարենցի տան մոտ հավաքվել էինք խմբով, մեզ զգուշացրել էին ճամփորդությունից առաջ, որ այնտեղ էմոցիոնալ ելույթներ չունենանք. թշնամական հողի վրա ենք: Այնտեղ տատիկներ էին նստած, եւ նրանցից մեկը մեզ հարցրեց, թե ինչու ենք հայերս հաճախ նկարվում այս շենքի մոտ: Մենք էլ հո չէինք ասի, որ մեր պոետի տունն է. ինչ ասես կարող էին անել այդ տան հետ: Խմբից մեկն ասաց` ուղղակի գալիս նկարվում ենք, մեկը թե` չէ, մեզ չեք խաբի, այստեղ չարն է ապրում, դուք գալիս եք չարի տունը, ու ավելի ծեր մի կին էլ ասաց. «Վառելու եմ այս տունը, որ ոչ մի հայ ոտք չդնի»:
Կույտը մշակեց ԼԻԼԻԹ ԵՂԻԱԶԱՐՅԱՆԸ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝