ՀԱՅՏՆԻ ԿԻՏԱՌԱՀԱՐԸ ԲՅՈՒՐԱԿԱՆԻ ԱՐՎԵՍՏԻ ԱԿԱԴԵՄԻԱՅՈՒՄ ԿԱՆՑԿԱՑՆԻ ՎԱՐՊԵՏՈՒԹՅԱՆ ԴԱՍ

ՀԱՅՏՆԻ ԿԻՏԱՌԱՀԱՐԸ ԲՅՈՒՐԱԿԱՆԻ ԱՐՎԵՍՏԻ ԱԿԱԴԵՄԻԱՅՈՒՄ ԿԱՆՑԿԱՑՆԻ ՎԱՐՊԵՏՈՒԹՅԱՆ ԴԱՍ

Երևանի Կիթառահարների ասոցիացիայի  եւ Գերմանիայի Վուպպերտալի կիթառահարների միջազգային ասոցիացիայի համտեղ նախաձեռնությամբ այս տարի Երեւանում առաջին անգամ անցկացվում է «Երևանյան միջազգային կիթառի փառատոն», որը մեկնարկել է հուլիսի 6-ին եւ կեզրափակվի հուլիսի 24-ին:

Փառատոնի նպատակն է միջազգային մակարդակի բարձրացնել Հայաստանում դասական կիթառի արվեստը: Այն  հնարավորություն է տալիս հայ դասական կիթառահարներին ծանոթանալ մեր ժամանակների դասական կիթառի միջազգային դպրոցին: Փառատոնի շրջանակներում արդեն տեղի է ունեցել բազմաթիվ համերգներ, ինչպես նաեւ  վարպետության դասեր Երևանի առաջնակարգ դահլիճներում: Հերթական վարպետոթյան դասը տեղի կունենա հուլիսի 16-ին Բյուրականի արվեստի ակադեմիայում: Դասը կանցկացնի հայտնի կիթառահար, Մոսկվայի «Կիտառի Վիրտուոզներ» միջազգային փառատոնի գեղարվեստական ղեկավար ԱՐՏՅՈՄ ԴԵՐՎՈԵԴԸ: Նրա վարած դասին կմասնակցեն Երեւանի երաժշտական դպրոցների եւ Կոմիտասի անվան կոնսերվատորիայի լավագույն սաները:

Նշենք, որ փառատոնի շրջանակներում Երեւանում տեղի կունենան բազմաթիվ միջազգային եւ հայկական պրեմիերաներ: Տեղի կունենա նաև Ռոլֆ Ստրավերի «Stimmen der Vergangenhei» (ձայներ անցյալից) կամերային ստեղծագործության միջազգային պրեմիերան, որը նվիրված է Հայոց Մեծ Եղեռնի 100 ամյակին՝ գրված փառատոնի գեղարվեստական ղեկավար  Ժորա Սարգսյանի համար: Ստեղծագործության պրեմիերան տեղի կունենա Կոմիտասի անվան թանգարանի համերգասրահում՝  փառատոնի փակման ժամանակ`հուլիսի 24-ին:

ԶՎԱՐԹ ԽԱՉԱՏՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝