ԵԹԵ ՎԱՐԴԱՆ ՕՍԿԱՆՅԱՆՆ ՈՒ ՎԱՀԵ ՀՈՎՀԱՆՆԻՍՅԱՆԸ ՆՄԱՆ ՈՐՈՇՈՒՄ ՈՒՆԵՆԱՆ, ԵՍ ԿԻՄԱՆԱ
Արխիվ 12-16
ՆԱԻՐԱ ԶՈՀՐԱԲՅԱՆ. «ԵԹԵ ՎԱՐԴԱՆ ՕՍԿԱՆՅԱՆՆ ՈՒ ՎԱՀԵ ՀՈՎՀԱՆՆԻՍՅԱՆԸ ՆՄԱՆ ՈՐՈՇՈՒՄ ՈՒՆԵՆԱՆ, ԵՍ ԿԻՄԱՆԱՄ»
Արդեն երկու օր է, որ մամուլում շրջանառվում են լուրեր ԲՀԿ խմբակցության անդամներ Վարդան Օսկանյանի եւ Վահե Հովհաննիսյանի կողմից կուսակցություն բացելու մասին: Կուսակցությունը զբաղվելու է նախկին նախագ Ռոբերտ Քոչարյանի փիառով: «Իրավունքը» ԲՀԿ առաջնորդ Նաիրա Զոհրաբյանից հետաքրքրվեց` տեղեկություններն իրականությանը համապատասխանո՞ւմ են:
«Երբ հրապարակվեց այդ լուրը, ես այդ օրը հանդիպում ունեի Վարդան Օսկանյանի ու Վահե Հովհաննիսյանի հետ: Կուսակցություն բացելու մասին որոշում Վարդան Օսկանյանի կողմից ինձ հայտնի չէ: Մենք Վարդան Օսկանյանի հետ տարբեր խնդիրների մասին ենք խոսել, բայց կուսակցություն ստեղծելու մասին որոշում ինձ հայտնի չէ: Ես մեկ րոպե անգամ չեմ կասկածում Վարդան Օսկանյանի ու Վահե Հովհաննիսյանի պարկեշտությանը: Եվ ինչպես նախօրեին ասել էր Վահե Հովհաննիսյանն իր հարցազրույցում, եթե ինքը նման ծրագրեր ունենա, ապա, բնականաբար, այդ մասին իր գործընկերները, այդ թվում նաեւ ես կիմանանք»,- պատասխանեց ԲՀԿ առաջնորդը:
Մեր դիտարկմանը, թե Ռոբերտ Քոչարյանի մամլո խոսնակ Վիկտոր Սողոմոնյանը «armtimes.com»-ին տված մեկնաբանության մեջ չէր հերքել կուսակցություն բացելու մասին լուրերը, այլ դրանք միայն անհեթեթություն համարեց, տիկին Զոհրաբյանի խոսքով` կուսակցություն բացելու մասին լուրերն անհեթեթություն համարելը ավելին է, քան հերքումը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31262 դիտում
2
6109 դիտում
3
2505 դիտում
4
1760 դիտում
5
1614 դիտում
2
19232 դիտում
3
17693 դիտում
4
11364 դիտում
5
8086 դիտում
5
8286 դիտում
