ԳԵՐՄԱՆ ՍՏԵՐԼԻԳՈՎ. «ԱՐՑԱԽԸ ՀԱՅԿԱԿԱՆ ՏԱՐԱԾՔ Է, ՈՐԻ ՀԵՏ ԱԴՐԲԵՋԱՆԸ ՊԱՏՄԱԿԱՆՈՐԵՆ ԱՌՆՉՈՒԹՅՈՒՆ ՉՈՒՆԻ»
Արխիվ 12-16
ԳԵՐՄԱՆ ՍՏԵՐԼԻԳՈՎ. «ԱՐՑԱԽԸ ՀԱՅԿԱԿԱՆ ՏԱՐԱԾՔ Է,
ՈՐԻ ՀԵՏ ԱԴՐԲԵՋԱՆԸ ՊԱՏՄԱԿԱՆՈՐԵՆ ԱՌՆՉՈՒԹՅՈՒՆ
ՉՈՒՆԻ»
Ռուս գործարար Գերման Ստերլիգովը ռուսական լրատվամիջոցներից մեկին տված հարցազրույցում բավական դրական է խոսել Արցախի ու նրա հնարավորությունների մասին: Նա մասնավորապես ասել է, որ արցախցիները միմյանց աջակցում են, լավ են վերաբերվում: «Ամբողջ տարին ոչխարներին սար են հանում եւ սարից իջեցնում: Կերն էլ միշտ կա: Այստեղ շատ հեշտ է գյուղատնտեսությամբ զբաղվել: Այսպիսին է հին հայկական աշխարհը թաքնված ժամանակակից եւ չար աշխարհում » ,- անկեղծացել է ռուս գործարարը:
Ինչ վերաբերում է Ադրբեջանի «սեւ ցուցակին», Ստերլիգովն այսպես է պատասխանել.
«Ով չունի թշնամիներ, նա չունի նաեւ ընկերներ: Ես պաշտպանում եմ պատմական ճշմարտությունը, որովհետեւ մեկ անգամ եմ ապրում այս աշխարհում: Ես ղեկավարում եմ «Հին ձեռագրերով հետաքրքրվողների միություն» կազմակեպությունը համոզված եմ` այս հողերը հայկական են: Ի՞նչ տարբերություն, ես ադրբեջանական ինչ ցուցակներում կհայտնվեմ: Ինչ է, ես պետք է ստեմ եւ ասեմ, որ այս հողերը պատկանում են Ադրբեջանի՞ն: Ադրբեջանն ընդհանրապես պատմականորեն ոչ մի առնչություն չունի Արցախի տարածքների հետ: Սրանք հին հայկական տարածքներ են»:
Ստերլիգովի խոսքով` դեռ 16-րդ դարում` Իվան Գրոզնիի ժամանակաշրջանում ստեղծված ձեռագրից պարզ է դառնում, որ Արցախը հայկական տարածք է: «Ինչի վրա են հիմնվում ադրբեջանցիները, երբ ասում են` դա ադրբեջանական տարածք է: Արցախի ցանկացած գերեզմանոցում ո՞ւմ աճյուններն են: Հայերի աճյուններն են հայոց լեզվով, ադրբեջանական ոչ մի գերեզմանոց չկա Արցախում: Ադրբեջանցիների գերեզմանոցներն Արցախում միայն ԽՍՀՄ-ի ժամանակ են եղել: Տրոցկին Ջուգաշվիլու հետ սեղմել են հայերի կոկորդը եւ Արցախը հանձնել Ադրբեջանին»,- մանրամասնել է պրն Ստերլիգովը:
Իսկ թե ինչու է Ստերլիգովը հաստատվել Արցախում, պատճառը պարզ է` այստեղ մարդիկ ապրում են մարդավայել: «Բացի այդ` էկոլոգիապես այստեղ մաքուր սննդատեսակներ կան, որոնք դեռ անծանոթ են ռուսական շուկային: ԵՏՄ-ի շրջանակներում կարելի է Արցախի սննդամթերքները Հայաստանի միջոցով արտահանել ռուսական շուկա»,- ասել է Ստերլիգովը:
Ի դեպ, Ստերլիգովը նաեւ հայտնել է, որ ռուս-արցախյան առեւտրի կենտրոն եւ ռուսներին մատուցել էկոլոգիապես թարմ սնունդ:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31252 դիտում
2
5588 դիտում
3
2495 դիտում
4
1760 դիտում
5
1614 դիտում
2
19223 դիտում
3
17693 դիտում
4
11364 դիտում
5
8086 դիտում
5
8286 դիտում
