ՏԻԳՐԱՆ ՄԱՆՍՈՒՐՅԱՆ. «Իմ հավաքածուն հարստացավ եւս մի աննման պարգեւատրումով» (Տեսանյութ)

ՏԻԳՐԱՆ ՄԱՆՍՈՒՐՅԱՆ. «ԻՄ ՀԱՎԱՔԱԾՈՒՆ ՀԱՐՍՏԱՑԱՎ ԵՎՍ ՄԻ ԱՆՆՄԱՆ ՊԱՐԳԵՎԱՏՐՈՒՄՈՎ»

Այսօր «Իրավունք» թերթի խմբագրության հյուրն էր ՀՀ ժողովրդական արտիստ, կոմպոզիտոր ՏԻԳՐԱՆ ՄԱՆՍՈՒՐՅԱՆԸ, ով մեկ ժամվա ընթացքում պատասխանեց մեր ընթերցողների մի քանի տասնյակ հեռախոսազանգերին եւ ֆեյսբուքյան օգտատերերի հարցերին: Սակայն, մինչ այդ, մաեստրոյին անակնկալ էր սպասվում թերթի խմբագրակազմի կողմից, որը ներկայացրեց «Իրավունքի» մշակութային բաժնի վարիչ ԼԻԼԻԹ ԵՂԻԱԶԱՐՅԱՆԸ. « «Իրավունք» թերթն ամեն տարի որոշում է մշակութային ոլորտի տարվա լավագույն եւ վատագույն գործիչներին` իհարկե, ընթերցողների կարծիքը հաշվի առնելով: Եվ այսպես` պատվոգիր է տրվում ՀՀ ժողովրդական արտիստ Տիգրան Մանսուրյանին «Իրավունք» թերթի կողմից 2014 թվականին ՀՀ-ում լավագույն կոմպոզիտոր ճանաչվելու կապակցությամբ` 75-ամյակի, նշանակալի ավանդի եւ հայանպաստ գործունեության համար»: Ընդունելով պատվոգիրը` պարոն Մանսուրյանը ընդգծեց. «Խորապես զգացված եմ, իմ հավաքածուն հարստացավ եւս մի աննման պարգեւատրումով` պատվոգրով: Բոլորիդ շնորհակալ եմ, անշուշտ, առաջին հերթին պարոն Բաբուխանյանին (ԱԺ պատգամավոր, ՍԻՄ կուսակցության նախագահ, «Իրավունք» թերթի խմբագրական խորհրդի նախագահ-խմբ.):

Հավելենք, որ Տ. Մանսուրյանին ուղղված մեր ընթերցողների հարցերը բազմաբնույթ էին` սկսած ստեղծագործական մնայուն արժեքներ ստեղծելու գաղտնինքներից մինչեւ Բաղրամյան պողոտայի վերջին դեպքերը, որոնց պատասխանները կներկայացնենք տպագիր «Իրավունքի» առաջիկա համարներից մեկում:

ՀՐԱՆՏ ՍԱՐԱՖՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝