ՍԷՖԻԼՅԱՆԱԿԱՆ ՍԱԴՐԻՉՆԵՐԸ ԱԶԱՏՈՒԹՅԱՆ ՀՐԱՊԱՐԱԿՈՒՄ. ՄԱՍ 2

ՍԷՖԻԼՅԱՆԱԿԱՆ ՍԱԴՐԻՉՆԵՐԸ ԱԶԱՏՈՒԹՅԱՆ ՀՐԱՊԱՐԱԿՈՒՄ. ՄԱՍ 2

Բաղրամյան պողոտայի, իսկ ներկայումս արդեն Ազատության հրապարակի ցույցերում ներդրված սէֆիլյանական սադրիչներից մեկին` Գագիկ Եղիազարյանին, արդեն ներկայացրել ենք ձեր ուշադրությանը: Սակայն, ինչպես հասկացել էիք, այդքանով չէինք պատրաստվում սահմանափակվել, քանի որ «Հիմնադիր խորհրդարան» կոչվող կառույցը միայն մեկ սադրիչ չէ, որ ներդրել է շարժման մեջ:

Նրանք ավելի շատ են, եւ նրանց կներկայացնենք հերթով: Հաջորդը ոմանց արդեն հայտնի Գեւորգ Սաֆարյանն է, որից Սէֆիլյանը փորձում էր կերտել փուչիկ հերոս, իսկ հիմա էլ ներդրել է այս շարժման մեջ: Հիշեցնենք, որ դեռ Բաղրամյանում գտնվելու օրերին իր հիստերիկ ելույթների ու համանման պահվածքով հայտնի, ոչ ադեկվատ վարքով այս տարօրինակ երիտասարդը ելույթներ էր ունենում այնտեղ եւ մասնակիցներին կոչ անում, որ եթե հանկարծ ոստիկաններն առաջ գան` պետք է պատրաստ լինել պառկել զրահատեխնիկայի տակ:
Տեսնում եք չէ՞` ինչ քաջ երիտասարդ է, նա նույնիսկ չի վախենում զրահատեխնիկայի տակ պառկելուց եւ պատրաստ է իր օրինակով ոգեշնչել մնացած մասնակիցներին եւ իր հետ միասին պառկեցնել: Սա առաջին հայացքից, իսկ իրականում այս փուչիկ հերոսը կարող է պառկել շատ բաների տակ, բայց ոչ երբեք զրահատեխնիկայի, որովհետեւ նա մեկ անգամ չէ, որ ապացուցել է իր վերին աստիճանի վախկոտությունը: Օրինակ, ապրիլի 7-ին, երբ կալանավորել էին «Հիմնադիր խորհրդարանի» մի քանի անդամների, նրանց մեջ էր նաեւ Գեւորգ Սաֆարյանը: Եվ ահա բանտախցում այս փափուկ երիտասարդը այն աստիճանի էր խեղճացել եւ չէր դիմանում ընդհանուր պայմաններին, որ դիմել էր խորամանկության եւ հացադուլ հայտարարել, որպեսզի իրեն տեղափոխեն մենախուց: Թե չէ ընդհանուր խցում ինչեր կարող էին անել փուչիկ հերոսի հետ խցակիցները` կարելի է միայն ենթադրել:
Իսկ ավելի վաղ` դեռ անցած տարվա նոյեմբերին, մեր հերոսի վրա հարձակվել էին Խանջյան փողոցում եւ ծեծել, եւ իր բոցաշունչ ելույթների ժամանակ իրեն «թույն տղու» տեղ դրած այս հերոսիկը այնքան էր վախեցել, որ չէր համարձակվել նույնիսկ մեկ անգամ պատասխան հարվածել իրեն ծեծողներին, եւ սուսուփուս ու առանց դիմադրելու ծեծվել էր: Եվ այս վախկոտը պետք է պառկեր զրահամեքենաների տա՞կ... Ավելի շուտ, ոստիկանների` մեկ քայլ առաջ գալը տեսնելով` նա վախից արագ վազքով փախուստի կդիմեր Բաղրամյանից մինչեւ 3-րդ մաս, իսկ կտուժեին միայն իր կոչերին հավատացած միամիտ մարդիկ: Հուրախություն մեզ` երիտասարդ այս սադրիչի մի սադրանքը Բաղրամյանում արդեն չանցավ, չաշխատեց, սակայն նա դեռ կփորձի սադրանքներ անել Ազատության հրապարակում, չէ՞ որ դա իր «առաքելությունն» է, եւ չէ՞ որ այսպիսի հանձնարարական է նրան տվել սադրիչների թագավոր, «սադրիչաց սադրիչ» Ժիրայր Սէֆիլյանը:
Ի դեպ, բացի սադրանքներից, այս ծիծաղելի երեւույթը զբաղվում է նաեւ իր իսկ ընկերների տակ հաջողությամբ փորելով եւ նմանատիպ այլ մանր սրիկայություններով: Օրինակ, նույն Ազատության հրապարակում հավաքվածների մեջ շրջանառվող լուրերի համաձայն` հենց Գեւորգ Սաֆարյանի ջանքերով էր, որ «Հիմնադիր խորհրդարանից» հեռացրեցին Եղիա Ներսիսյանին, հենց Սաֆարյանն էր Սէֆիլյանին մանրամասնորեն տեղեկացրել Եղիայի «դոնժուանությունների» մասին: Եվ այս քայլը կոնկրետ նպատակ ուներ` Եղիային արանքից հանել, որպեսզի այսուհետ ինքը` Գեւորգ Սաֆարյանը, ղեկավարի «Հիմնադիր խորհրդարանի» երիտասարդական թեւը, քանի որ մինչ այդ լիդերությունը Եղիա Ներսիսյանի ձեռքում էր:
Ահա այսպիսի նենգ ու ստոր, նաեւ վախկոտ ու խաբեբա երեւույթի հետ գործ ունեն ակցիայի մասնակիցները: Այնպես որ, եւս մեկ անգամ կոչ ենք անում` տղաներ, ՍԹԱՓՎԵՔ:
«100-ամյակը` առանց Ժիրայր Սէֆիլյանի» ֆեյսբուքյան էջ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝