«ԱՅՍՕՐՎԱ ԼՍԱՐԱՆԸ ՆՈՐՈՒԹՅՈՒՆ Է ՈՒԶՈՒՄ»
Արխիվ 12-16
«ԱՅՍՕՐՎԱ ԼՍԱՐԱՆԸ ՆՈՐՈՒԹՅՈՒՆ Է ՈՒԶՈՒՄ»
«Հայաստանի գուսանական եւ ժողովրդական երգի պետական անսամբլի» մեներգչուհի ԵՎԱ ԵԳԱՆՅԱՆՆ այժմ աշխատում է իր առաջին ձայնասկավառակի վրա, որն ըստ երգչուհու, հանդիսատեսի դատին կհանձնվի աշնանը: Դրան զուգահեռ` օրերս կայացավ նրա «Ասա ինչու» երգի տեսահոլովակի պրեմիերան: Այն երգչուհու երրորդ տեսահոլովակն է: «Իրավունքի» հետ զրույցում Եվան պատմեց. «Քանի որ երգի առաջին կատարողը ես էի, ցանկացա, որպեսզի տեսահոլովակի միջոցով երգն ունենա պատմություն եւ ապրի շատ երկար: Երգը ժողովրդական է, որի հեղինակը Գրիգոր Բանանցն է: Իսկ տեսահոլովակի ռեժիսորը` Վասիլ Շահբազյանը: Կարծում եմ` տեսահոլովակն իր ոճում յուրահատուկ է: Աշխատել եմ պրոֆեսիոնալ թիմի հետ»:
Աշնանը թողարկվելիք իր առաջին ձայնասկավառակի մասին խոսելիս` երգչուհին շեշտեց, որ այնտեղ զետեղված կլինեն միայն ժողովրդական ժանրի երգեր: «Հետագայում կթողարկվի ձայնասկավառակ նաեւ էստրադային ժանրի երգերով: Նախատեսվում են նոր տեսահոլովակների նկարահանումեր: Կփորձեմ հանդես գալ միշտ նորություններով»,- ասաց երգչուհին եւ շեշտեց. «Իմ երգացանկը բազմաոճ է եւ բազմաժանր, ունեմ ժողովրդական ուրախ եւ արագ երգեր, որոնց ներքո կարելի է պարել եւ ուրախանալ: Այսօրվա լսարանը նորություն է ուզում: Կան երգեր, որոնք պետք է ուղղորդվեն միայն ժողնվագարանների ուղեկցությամբ: Բայց նաեւ կան երգեր, որոնք հնարավորություն են տալիս գործիքավորել նոր` ժամանակակից մոտեցմամբ` չդիպչելով, չաղավաղելով երգի բուն մեղեդին»:
ԼԻԼԻԹ ԵՂԻԱԶԱՐՅԱՆ
Բաժանորդագրվե՛ք https://t.me/iravunk
1
31262 դիտում
2
6094 դիտում
3
2505 դիտում
4
1760 դիտում
5
1614 դիտում
2
19232 դիտում
3
17693 դիտում
4
11364 դիտում
5
8086 դիտում
5
8286 դիտում
