ՀՈՒԼԻՍԻ 12-ԻՆ ՀԱՅ ԱՌԱՔԵԼԱԿԱՆ ԵԿԵՂԵՑԻՆ ՆՇՈՒՄ Է ՔՐԻՍՏՈՍԻ ՊԱՅԾԱՌԱԿԵՐՊՈՒԹՅԱՆ ՏՈՆԸ
Արխիվ 12-16
ՀՈՒԼԻՍԻ 12-ԻՆ ՀԱՅ ԱՌԱՔԵԼԱԿԱՆ ԵԿԵՂԵՑԻՆ ՆՇՈՒՄ Է ՔՐԻՍՏՈՍԻ ՊԱՅԾԱՌԱԿԵՐՊՈՒԹՅԱՆ ՏՈՆԸ
Հուլիսի 12-ին Հայ Առաքելական եկեղեցին նշում է Հիսուս Քրիստոսի Պայծառակեպության տոնը, որը հայ եկեղեցու հինգ տաղավար տոներից երրորդն է եւ հայտնի է նաեւ Վարդավառ անունով: Տոնի ժամանակ ժողովրդական սովորություններից է միմյանց վրա ջուր ցողելն ու աղավնիներ բաց թողնելը, որոնք խորհրդանշում են ջրհեղեղը, Նոյի ընտանիքի փրկությունը: Սովորություն է նաեւ ծաղիկներով զարդարվելը, ինչն Աստվածորդու փառքի երեւման առթիվ մեծ ուրախության արտահայտությունն է: Վարդավառի տոնին նախորդում, է շաբաթապահքը, իսկ հաջորդ օրն ինչպես տաղավար բոլոր տոներից հետո, Մեռելոց է:
«Համաձայն Ավետարանի, Հիսուս Քրիստոսն իր երեք առաքյալների` Պետրոսի, Հակոբոսի եւ Հովհաննեսի հետ բարձրանում է Թաբոր լեռ`աղոթելու: Աղոթելու պահին Քրիստոսն առաքյալների առաջ պայծառակերպվում է: Պայծառակերպության ամբողջ խորհուրդն ու իմաստը կարեւորովում է հատկապես հոգեւոր վերափոխման, Աստվածային ներկայության բացահայտման խորհրդով, որովհետեւ յուրաքանչյուրիս մեջ Աստվածային պատկերը հաստատված է շատ ամուր, պարզապես առօրյա կյանքում շատ հաճախ մոռանում ենք այս մասին»,-անդրադառնալով Վարդավառի տոնի նախապատմությանն ու խորհրդին նշեց ԱՀԹ առաջնորդանիստ Սուրբ Սարգիս եկեղեցու խորհրդակատար տեր ԵՍԱՅԻ քահանա ԱՐԹԵՆՅԱՆԸ: Նրա խոսքով`Վարդավառի տոնը նշելիս Սորբ Պատարագով, աղոթքով եւ նախապես պահեցողությամբ` մարդիկ վերափոխում են իրենց անձը եւ իրենց ենթագիտակցության մեջ ձեւավորում այն իրողությունը, որ յուրաքանչյուր քրիստոնյա կարիք ունի վերափոխման.«Աստվածային լույսը յուրաքանչյուրիս համար այն կարեւոր իրողությունն է, որի մեջ մարդը քայլելով երբեք չի սայթաքի ու սխալվի: Այդ լույսը մեր կյանքի ամենակարեւոր պայմաններից մեկն է`հեգեւոր առումով ամուր ու հաստատուն մնալու համար»,-շեշտեց տեր Եսայի Արթենյանը:
Վարդավառի տոնին բոլոր եկեղեցիներում կմատուցվի Սուրբ Պատարագ: Արարատյան Հայրապետական թեմի առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի օրհնությամբ թեմի մի շարք համայնքներում հոգեւոր արարողություններից բացի տոնը կնշեն նաեւ ժողովրդական սովորություններով: Իսկ տոնի նախորդ օրը`հուլիսի 11-ին Երեւանի Կաթողիկե Ս. Աստվածածին եկեղեցու բակում ԱՀԹ երիտասարդաց միությունները «Ոստան» ազգագրական երգի-պարի համույթի հետ կտոնախմբեն Վարդավառը:
ԶՎԱՐԹ ԽԱՉԱՏՐՅԱՆ
Բաժանորդագրվե՛ք https://t.me/iravunk
1
31262 դիտում
2
6136 դիտում
3
2505 դիտում
4
1760 դիտում
5
1614 դիտում
2
19232 դիտում
3
17693 դիտում
4
11364 դիտում
5
8086 դիտում
5
8286 դիտում
