«ՈՍԿԵ ԾԻՐԱՆԸ» ԿՄԵԿՆԱՐԿԻ Ռ. ԳԵԴԻԿՅԱՆԻ «ԽԵՆԹԻ ՊԱՏՄՈՒԹՅՈՒՆ» ՖԻԼՄՈՎ
Արխիվ 12-16
«ՈՍԿԵ ԾԻՐԱՆԸ» ԿՄԵԿՆԱՐԿԻ Ռ. ԳԵԴԻԿՅԱՆԻ
«ԽԵՆԹԻ ՊԱՏՄՈՒԹՅՈՒՆ» ՖԻԼՄՈՎ
«Ոսկե ծիրան» երեւանյան միջազգային կինոփառատոնն այս տարի եւս կհամագործակցի ՀՀ-ում մի շարք օտարերկրյա դեսպանությունների հետ: Մասնավորապես` փառատոնային մի շարք նախաձեռնություններ կիրականացվեն ՀՀ-ում Ֆրանսիայի, Գերմանիայի Դաշնային եւ Լեհաստանի Հանրապետությունների, ինչպես նաեւ Ռուսաստանի Դաշնության դեսպանությունների աջակցությամբ:
Փառատոնի շրջանակներում ՀՀ-ում Ֆրանսիայի դեսպանության հետ ավանդական դարձած համագործակցության շնորհիվ կիրականացվի «Ֆրանսիական նոր կինո» ծրագիրը, որը ներառում է վերջին շրջանում նկարահանված լավագույն ֆրանսիական ֆիլմերը: «Ֆրանսիական նոր կինո» ծրագիրը կբացվի Էմանյուել Մուռեի «Կապրիս» ֆիլմով:
ՀՀ-ում Ֆրանսիայի արտակարգ եւ լիազոր դեսպան ԺԱՆ –ՖՐԱՆՍՈՒԱ ՇԱՐՊԱՆՏԻԵՆ նշեց, որ փառատոնը հայ հանդիսատեսին հիանալի հնարավորություն է տալիս դիտելու միջազգային կինորվեստի ստեծագործությունները. «Տարին հայերի համար նշանակալից է` նկատի ունեմ Հայոց ցեղասպանության 100-րդ տարելիցը, որին նվիրված իրականացվում են մի շարք միջոցառումներ: Փառատնի շրջանակներում մենք եւս անմասն չենք մնացել այդ ծրագրերից եւ մեր ծրագրում ընդգրկել ենք Ցեղասպանության թեմատիկան: Ի թիվ այլ ֆիլմերի, ներկայացված է մեկ ժապավեն, որի ռեժիսորը ծագումով հայ, ֆրանսիացի ռեժիսոր Ռոբերտ Գեդիկյանն է, ով կներկայացնի «Խենթի պատմություն» ֆիլմը, որտեղ արտացոլված է հայ ժողովրդի հետ կատարված ողբերգությունը: Այս ամենի հետ ներկայացվում է նաեւ ռեժիսորի ընտանիքի ողբերգական պատմությունը»,-նշեց Ժան-Ֆրանսուա Շարպանտիեն եւ ավելացրեց, որ հուլիսի 13-14-ը նվիրված կլինի ֆրանսիական ֆիլմերին:
12-րդ «Ոսկե ծիրանի» մրցութային տարբեր ծրագրերում ներկայացված է ավելի քան 14 ֆրանսիական համատեղ արտադրության ֆիլմեր, այդ թվում Կաննի կինոփառատոնի պաշտոնական ծրագրում ընդգրկված` Ստեֆան Բրիզեի «Մարդու չափը» ֆիլմը: Փառատոնի հյուրն է նաեւ դերասան Պատրիկ Շենեն, ով ներկա կգտնվի իր մասնակցությամբ` Ստեֆան Բրիզեի «Ես սիրվելու համար չեմ այստեղ» երեւանյան պրեմիերային:
ԶՎԱՐԹ ԽԱՉԱՏՐՅԱՆ
Բաժանորդագրվե՛ք https://t.me/iravunk
1
31262 դիտում
2
6084 դիտում
3
2505 դիտում
4
1760 դիտում
5
1614 դիտում
2
19232 դիտում
3
17693 դիտում
4
11364 դիտում
5
8086 դիտում
5
8286 դիտում
