ՍԵՖԻԼՅԱՆԱԿԱՆ ՍԱԴՐԻՉՆԵՐԸ ԱԶԱՏՈՒԹՅԱՆ ՀՐԱՊԱՐԱԿՈՒՄ. ՄԱՍ 1
Արխիվ 12-16
ՍԵՖԻԼՅԱՆԱԿԱՆ ՍԱԴՐԻՉՆԵՐԸ ԱԶԱՏՈՒԹՅԱՆ ՀՐԱՊԱՐԱԿՈՒՄ. ՄԱՍ 1
Բաղրամյան պողոտայում վերջին օրերին «հայկական մայդանի» առաջամարտիկների ջանքերով ձևավորվել էր այսպես կոչված՝ նստացույցը համակարգող խումբ, որը պողոտան բացելուց հետո սահուն կերպով տեղափոխվեց Ազատության հրապարակ: Այդ համակարգող խմբում փորձում է առաջնային դիրքեր գրավել հանրահայտ մայդանչի Դավիթ Սանասարյանը, ինչից կարելի էր ենթադրել, թե Բաղրամյանում ղեկը իրենց ձեռքն են վերցնում ժառանագականները, բայց... կա մի բայց, որը ստիպում է մտածել այլ ուղղությամբ: Բանն այն է, որ առաջին օրերից Բաղրամյանում վխտում էին «Հիմնադիր խորհրդարան» կոչված ապազգային կառույցի անդամները, սկզբում՝ աննկատ, հետո արդեն՝ ավելի նկատելի: Սեֆիլյան Ժիրայրը, դրսևորելով հատուկ ծառայություններին բնորոշ հմտություններ՝ բավականին լուրջ ծրագիր է մշակել, կամաց-կամաց իր մարդկանց միջոցով սողոսկելով տարբեր խմբավորուներ և այնտեղ ներդնելով իր գործակալներին՝ այդպիսով վերահսկելով իրավիճակն ամենուր:
Այսպես՝ նստացույցը համակարգող խմբում ընդգրկված է ոմն Գագիկ Եղիազարյան, ով ներկայանում է որպես շարքային ՀՀ քաղաքացի: Այնինչ, պարզվում է, որ նա իրականում հանդիսանում է «Հիմնադիր խորհրդարանի» անդամ և իր բոլոր քայլերը համաձայնեցնում է անձամբ Սեֆիլյանի հետ: Եվ ահա, հուլիսի 6-ին «Հիմնադիր խորհրդարանի» անդամ Գագիկ Եղիազարյանը Ազատության հրապարակում հավաքվածների համար ընթերցեց մի հայտարարություն, համաձայն որի` այս պահից սկսած շարժումը պետք է տանել բացառապես քաղաքական ուղղվածությամբ և շահագրգիռ քաղաքական ուժերին հրավիրեց Ազատության հրապարակ` քաղաքական պատասխանատվություն ստանձնելու և շարժումը ղեկավարելու համար:
Փաստորեն Սեֆիլյանն այս երիտասարդին կոնկրետ ներդրել է համակարգող խումբ, որպեսզի նրա միջոցով թելադրի իր կամքը և շարժումը տանի իրեն ձեռնտու ուղղությամբ, ինչն էլ իրեն ուշացնել չտվեց: Կասկած չկա, որ այդ «քաղաքական տեքստը», որն ընթերցեց Գ.Եղիազարյանը, նրան էր փոխանցել հենց Սեֆիլյանը: Ի դեպ, դա զգացվում էր նաև տեքստի ընթերցման ժամանակ, երբ հստակ երևաց, որ դրանում ընդգրկված հիմնական մտքերն անծանոթ էին նույնիսկ այն ընթերցող Գագիկ Եղիազարյանին:
Շատ համակարգված ու խորամանկ են աշխատում սեֆիլյանականները, և այսպիսի կազմակերպչական խաղերը միանշանակ վկայում են, որ սրանք ունեն հստակ քաղաքական նպատակներ՝ սոցիալական բողոքի ալիքը օգտագործել երկրում վիճակը ապակայունացնելու և իրենց երազած «մայդանը» անելու համար: Սեֆիլյանն, իհարկե, շատ լավ գիտակցում է, որ իր քայլերը սպառնալիք են երկրի անվտանգությանը, սակայն փորձը արդեն ցույց է տվել, որ նա և իր կողմնակիցները, մեղմ ասած, թքած ունեն երկրի անվտանգության վրա: Նրանց համար կարևորը անձնական խնդիրներ լուծելն է, ինչն էլ հիմա փորձում են անել իրենց սադրիչների միջոցով:
Ի դեպ, Գագիկ Եղիազարյանը համակարգող խմբում ներդրված միակ սադրիչը չէ, նրա հետ միասին այդ «հույժ կարևոր» հանձնարարականը կատարում են ևս մի քանիսը, որոնց կանդրադառնանք առաջիկայում:
«100-ամյակը առանց Ժիրայր Սեֆիլյանի» ֆեյսբուքյան էջ
Բաժանորդագրվե՛ք https://t.me/iravunk
1
31262 դիտում
2
6084 դիտում
3
2505 դիտում
4
1760 դիտում
5
1614 դիտում
2
19232 դիտում
3
17693 դիտում
4
11364 դիտում
5
8086 դիտում
5
8286 դիտում
