Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

ԻՍԿ Ի՞ՆՉ Է ԿՐԾԵԼՈՒ ԴԱՎԻԹ ՄԱՅԴԱՆԱԳԵՏԸ

Արխիվ 12-16

ԻՍԿ Ի՞ՆՉ Է ԿՐԾԵԼՈՒ ԴԱՎԻԹ ՄԱՅԴԱՆԱԳԵՏԸ


Ահա և հայտնվեց նա՝ Դավիթիկ Մայդանագետ Սանասարյանը: Գիշերները երազում Մայդան տեսնող, ամերիկյան պաշտոնյաների հանդեպ առանձնահատուկ թուլություն ունեցող այս երիտասարդ «հեղափոխականը» վերջին շրջանում այնքան է գնացել ամերիկաներն ու եվրոպաները՝ տարբեր տեսակի դասընթացների ու պրոֆեսիոնալ մայդանիստների հավաքներին, որ նրան իրավամբ կարելի է տալ մայդանագիտության դոկտորի կոչում: Այս անգամ էլ Սանասարյանը մեկնել էր Բրատիսլավա՝ հունիսի 18-30-ին մասնակցելու ինչ-որ Գլոբալ անվտանգության ֆորումի, որին ի դեպ մասնակցել են պրոֆեսիոնալ մայդանիստներ ու մայդանագիտության ռահվիրաներ տարբեր երկրներից: Օրինակ, հայտնի «գունավոր հեղափոխական» Միխեյիլ Սաակաշվիլիի մասնակցությունը նույն ֆորումին այնքան է երջանկացրել Սանասարյանին, որ վերջինս նետվել է իր «կումիռի» գիրկը՝ Միշիկոյի հետ նկարվելու և նկարը հպարտորեն Ֆեյսբուքում տարածելու համար:
Միշիկոն Սանասարյանի իդեալն է, Միշիկոն Վրաստանում արեց Վարդերի հեղափոխություն, Սանասարյանն էլ երազում է նույնը անել Հայաստանում, սակայն չկրկնվելու համար նա կփորձի անել ոչ թե վարդերի, այլ Աղբարկղների հեղափոխություն: Ինչու՞ աղբարկղների. որովհետև հունիսի 30-ին Երևան վերադառնալով մայդանիստ Սանասարյանը նույնիսկ առանց տուն մտնելու միանգամից գնացել է Բաղրամյանի աղբարկղների մոտ և չգիտես ոնց միանգամից հայտնվել է Բաղրամյանի ակցիաները համակարգող խմբի ցուցակում:
Փաստորեն Մայդանի մասթեր-կլասն անցնելուց հետո Սանասարյանն իր նոր գիտելիքներն անմիջապես որոշել է փորձարկել Երևանում: Հայկական մայդանի հիմքը դնելու նպատակով էլ Սանասարյանը հայտարարեց, որ այս պայքարն արդեն քաղաքական է` դրանով իսկ «չեզոքացնելով» սոցիալական պայքարը և սկիզբ դնելով բոլորովին այլ գործընթացի:
Եվ մի հետաքրքիր զուգատիպություն. այս ողջ շարժման ընթացքում առանձնապես չէր երևում Զարուհի Փոստանջյանը, իսկ Սանասարյանի հայտնվելուն պես նա նույնպես հայտնվեց աղբամանների կողքին: Լրատվամիջոցներից մեկին Զառոչկան պարզաբանել էր՝ իբրև թե նախկինում այդտեղ կային պատգամավորներ, դրա համար ինքը առանձնապես ակտիվ չէր: Սակայն ակնհայտ է, որ մեր մայդանուհի Զառոչկան սպասում էր Դավիթի վերադարձին, որպեսզի «առաջին ձեռքից» տեղեկանա, թե ինչ ուղղորդումներ են տվել իրենց «արևմտյան պապաները»:
Եվ մի հարց էլ, որ ինձ հետաքրքրում է. Դավիթիկի սիրելի՝ Միշիկո Սաակաշվիլին կրծում էր իր փողկապը, իսկ Դավիթիկ Մայդանագետն իր ի՞նչն է կրծելու: Դժվար թե փողկապը, որովհետև մեր Սանասարյանը կրեատիվ մտածողություն ունի և նոր բան կմտածի: Միգուցե...

ՍԱՐԳԻՍ ԲԱԼԱՅԱՆ

Հավանեցի՞ր հոդվածը, կիսվիր ընկերներիդ հետ