«ՄԵՐ ՔԱՂԱՔԱՑԻՆԵՐՆ ԱՎԵԼԻ ԲԱՐՁՐ ԱՐԺԵՔՆԵՐԻ ԿՐՈՂ ԵՆ, ՔԱՆ ԿԱՐՈՂ Է «ԱՐՏԱԴՐԵԼ» ԳՈՐԾՈՂ ՍԱՀՄԱՆԱԴՐՈՒԹՅՈՒՆԸ»
Արխիվ 12-16
Հովհ. Մանուկյան. «ՄԵՐ ՔԱՂԱՔԱՑԻՆԵՐՆ ԱՎԵԼԻ ԲԱՐՁՐ ԱՐԺԵՔՆԵՐԻ ԿՐՈՂ ԵՆ, ՔԱՆ ԿԱՐՈՂ Է «ԱՐՏԱԴՐԵԼ» ԳՈՐԾՈՂ ՍԱՀՄԱՆԱԴՐՈՒԹՅՈՒՆԸ»
1991թ. Հայաստանի Հանրապետության անկախության վերականգնմամբ անխուսափելի դարձավ նոր` ազգային սահմանադրության ընդունումը: Սահմանդրությունն ընդունվեց 1995թ. հուլիսի 5-ին համաժողովրդական հանրաքվեով եւ այսօրը դարձավ պետական տոն` Սահմանադրության օր: Սահմանադրությունն ամրագրեց Հայաստանի Հանրապետության բնույթը` որպես ինքնիշխան, ժողովրդավարական, իրավական եւ սոցիալական պետության, հռչակեց մարդու եւ քաղաքացու հիմնական իրավունքներն ու ազատությունները, սահմանեց հանրապետության կառավարման ձեւը` հիմնված օրենսդիր, գործադիր եւ դատական իշխանությունների տարանջատման սկզբունքի վրա: Սահմանադրությամբ ձեւավորվեց կիսանախագահական կառավարման ձեւ՝ պետության գլխին` Հանրապետության Նախագահին վերապահված լայն լիազորություններով:
Օրվա տոնի առթիվ իր շնորհավորական ուղերձն է հղել ՀՀ արդարադատության նախարար ՀՈՎՀԱՆՆԵՍ ՄԱՆՈՒԿՅԱՆԸ, որում մասնավորապես ասված է. «Շատերին հետաքրքրած կլինի պետական տոների վերաբերյալ մեր ժողովրդի ոչ այնքան տոնական վերաբերմունքը: Այն, որ տարբեր երկրներում Սահամանդրության ընդունման օրը մեծից փոքր լիաթոք ուրախանում են, դրոշներով շքերթներ կազմակերպում, կարծես հայ իրականության կողմից դեռեւս ընդօրինակված չէ: Պատճառները տարբեր են, սակայն դրական միտումը նկատելի է տարեցտարի: Կարելի է ասել, ՈՐ ՍԱ ՏՈՆ Է, ՈՐ ՆՇՎԵԼՈՒ Է ՎԱՂԸ… Ընդհանրապես ցանկացած նորին ընտելանալու եւ համապատասխան ռեակցիա տալու համար փորձաշրջան ու ժամանակ է պետք»: Սահամանդրության ընդունումից հետո անցել է 20 տարի եւ, ըստ արդարադատության նախարարի, անվիճելի է, որ հասել ենք պատասխաններ գտնելու հասունությանը. «Այսօր մեր քաղաքացիներն ավելի բարձր արժեքների կրող են, քան կարող է «արտադրել» գործող Սահմանադրությունը, հետեւաբար՝ մենք պետք է կարողանանք ճիշտ հասկանալ ստեղծված սոցիալ-քաղաքական իրականությունը, մեր արժեհամակարգային միջավայրը եւ կառուցել առավել ճկուն մեխանիզմներով ու ժողովրդավարական արժեհիմքով համակարգ: Դրան հասնելու համար, թերեւս կարեւոր է ոչ միայն մարդու իրավունքների պաշտպանության մեխանիզմների կատարելագործումը, այլեւ` կառավարման ձեւի ընտրությունը, որը մեզ կտանի կասկածներ ու հարցեր բացառող ժողովրդավարության ճանապարհով, կապահովի ազգային իղձերի իրականացում եւ դրանց հիմքով սոցիալ-տնտեսական բարեկեցություն»: Իսկ վերջում շեշտել է. «Շնորհավորում եմ բոլորիս մեր Մայր օրենքի օրվա կապակցությամբ, մաղթում եմ, որ յուրաքանչյուրիս համար այն լինի մեծագույն արժեք եւ դառնա մեր ամենօրյա գործողությունների չքննարկվող ուղեկիցը»:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
31262 դիտում
2
6068 դիտում
3
2505 դիտում
4
1760 դիտում
5
1614 դիտում
2
19232 դիտում
3
17693 դիտում
4
11364 դիտում
5
8086 դիտում
5
8286 դիտում
