ՏՐԱՆՍՊՈՐՏԻ ՆԱԽԱՐԱՐՈՒԹՅՈՒՆՆ ՈՒ ՀՐԱԶԴԱՆԻ ՔԱՂԱՔԱՊԵՏԸ ՏԵՂՅԱԿ ՉԵ՞Ն, ԹԵ՞ ՍՏՈՒՄ ԵՆ
Արխիվ 12-16
ՏՐԱՆՍՊՈՐՏԻ ՆԱԽԱՐԱՐՈՒԹՅՈՒՆՆ ՈՒ ՀՐԱԶԴԱՆԻ
ՔԱՂԱՔԱՊԵՏԸ ՏԵՂՅԱԿ ՉԵ՞Ն, ԹԵ՞ ՍՏՈՒՄ ԵՆ
«Իրավունքը», մի քանի անգամ գրել էր, որ Հրազդան քաղաքի գլխավոր բժիշկը` «Հրազդանի բժշկական կենտրոն» ՓԲԸ տնօրեն Ռոբերտ Սահակյանը գնել է Հրազդանի ավտոկայանը եւ պատրաստվում է ռեստորանային համալիր կառուցել: Բժշկական կենտրոնի նախագահը հերքել էր այդ լուրերը, իսկ Հրազդանի քաղաքապետը հստակ պատասխան չէր տրվել, միայն ասել էր, որ ավտոկայանը պատկանում է տրանսպորտի եւ կապի նախարարությանը: Այնուհետ «Իրավունքը» գրավոր հարցումներ էր ուղարկել տրանսպորտի եւ կապի, քաղաքաշինության նախարարություններ`խնդրելով տրամադրել մանրամասն տեղեկատվություն, որտեղից մեզ տեղեկացրեցին, որ Հրազդանի ավտոկայանը գտնվում է «Հայավտոկայան» ՓԲ ընկերության կազմում: Նախարարությունից պատասխանել էին.
Հրազդանի ավտոկայանի տարածքից որեւէ մաս չի վաճառվել անհատի կամ այլ կազմակերպության՝ ռեստորանային համալիր կառուցելու համար։ Ընկերությունը գործել է իր կանոնադրության համաձայն, որը թույլատրում է ժամանակավորապես չօգտագործվող տարածքները տալ վարձակալության։ Հրազդանի ավտոկայանի վարձով չտրված տարածքը լիովին բավարարում է ուղեւորափոխադրման ներկա ծավալների սպասարկմանը և ավտոմեքենաների կայանատեղիի ապահովմանը։
Փաստորեն, տրանսպորտի եւ կապի նախարարությունը հերքում է, որ ավտոկայանը վաճառվել է «Հրազդանի բժշկական կենտրոն» ՓԲԸ տնօրեն Ռոբերտ Սահակյանին` ավտոկայանը վաճառքի ու այն ռեստորանային համալիր կառուցելու մասին լուրերը: Նախարարության պատասխանից հետո նոր Հրազդանի քաղաքապետը եւս հաստատեց, որ այդ տարածքում վերանորոգվում է ավտոկայանը: Սակայն ինչպես ժողովուրդն է ասում <ստի ոտքը կարճ է>: Կրկին Հրազդանի մեր հավաստի աղբյուրը հաստատում է, որ այդ տարածքում ոչ մի բան էլ չի վերանորոգվում, այլ քաղաքի հիվանդանոցի գլխավոր բժիշկ Սահակյանի ռեստորան կառուցելու գործերն արագ ընթացք են ստանում իր կահ կարասիով, համապատասխան սպասքով, սեղան-աթոռով: Հրազդանցիները պարզապես քմծիծաղով են վերաբերվում թե' նախարարության, թե' քաղաքապետի այն սուտ տեղեկություններին, որ ավտոկայանը մնալու է իր տեղում` այն էլ վերանորոգված վիճակով; Ի դեպ կրկին մեր աղմբյուրի փոխանցմամբ, որ պարոն Սահակյանը Հրազդանում ունի եւս մեկ ռեստորանային համալիր`<Ամրոց>անունով, իսկ սա երկրորդն է: Հետաքրքիր է հիմա բժիշկը զբաղված է առողջապահական հարցերով, թե ռեստորաններ աշխատացնելով:
ԱՐՄԵՆՈՒՀԻ ՀԱԿՈԲՅԱՆ
Բաժանորդագրվե՛ք https://t.me/iravunk
1
31262 դիտում
2
6074 դիտում
3
2505 դիտում
4
1760 դիտում
5
1614 դիտում
2
19232 դիտում
3
17693 դիտում
4
11364 դիտում
5
8086 դիտում
5
8286 դիտում
