ԷԹԻԿԱՅԻ ՀԱՆՁՆԱԺՈՂՈՎԻ ԱՆԴԱՄԸ ՄԻԼԻՈՆՆԵՐ Է ԴԻԶԵԼ

ԷԹԻԿԱՅԻ ՀԱՆՁՆԱԺՈՂՈՎԻ ԱՆԴԱՄԸ ՄԻԼԻՈՆՆԵՐ Է ԴԻԶԵԼ

Բարձրաստիճան անձանց էթիկայի հանձնաժողովից լրատվամիջոցները տեղեկանում են այս կամ այն  պաշտոնյայի  ունեցվածքի  մասին: Սակայն, պարզվում է, հաննձնաժողովի անդամներն էլ վատ չեն ապրում: «Իրավունքը» etichs.am-ից  տեղեկանում է, որ  բարձրաստիճան անձանց էթիկայի  հանձնաժողովի անդամ Սարգսյան Արտակը  նախորդ տարի հայտարարագրել է ոչ միայն անշարժ գույք, այլեւ դրամակա միջոցներ: Հանձնաժողովի անդամը նախորդ տարվա սկզբում   հայտարարագրել է  3,600,000 դրամ արժողությամբ ավտոտնակ, որը, սակայն, առկա չէ տարվա վերջում: Մինչդեռ 7,200,000 դրամանոց  «KIA SOUL» առկա է միայն տարվա վերջում:

Արտակ Սարգսյանի փոխառությունները 2014-ի վերջում կազմել են 57,000 դոլար, իսկ դրամական միջոցները 1,600 դոլար եւ 100,000 դրամ: Արտակ Սարգսյանի եկամուտները նախորդ տարի եւս քիչ չեն: Հետաքրքիրն այն է, որ պրն Սարգսյանը եկամուտներ ստացել է  նաեւ մրցույթների ինչպես նաև վիճակախաղերի իրային կամ դրամական շահումներից  (80.000 դրամ), գույքի օտարումից` (3,600,000 դրամ), վարձակալությունից (1,575 դրամ), վարկերից (1,060,000.00 եւ 470,000.00 դրամ), աշխատանքի վարձատրությունից (7,472,000 դրամ): Ընդհանուր առմամբ  Արտակ Սարգսյանի եկամուտները կազմում են  14,177,000 դրամ:

Արտակ Սարգսյանի կինը` Անահիտ Կիրակոսյանը, հայտարարագրած դրամական միջոցները  բավական համեստ են` 2,617,666 դրամ:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝