Ս. ԽԱՉԱՏՐՅԱՆԻ ՄԱՀԱՓՈՐՁԻ ԳՈՐԾՈՎ ԿԱ ԱՆՀԱՅՏ ԿԱՍԿԱԾՅԱԼ
Արխիվ 12-16
Ս. ԽԱՉԱՏՐՅԱՆԻ ՄԱՀԱՓՈՐՁԻ ԳՈՐԾՈՎ ԿԱ ԱՆՀԱՅՏ ԿԱՍԿԱԾՅԱԼ
Մայիսի 20-ին Սյունիքի մարզպետ Սուրիկ Խաչատրյանի նկատմամբ իրականացված մահափորձի գործը, որով մարզպետը ճանաչվել է տուժող, Գլխավոր դատախազությունը օրերս ուղարկել է ԱԱԾ: Թե ինչով է պայմանավորված, որ այսքան երկար-բարակ գցել-բռնելուց հետո որոշվեց, որ այդ մահափորձը ազգային անվտանգության խնդիր է, ԱԱԾ-ն դեռ չի մեկնաբանում: Լրատվական ծառայությունից միայն նշեցին.
- Այս պահին նախաքննությունը ակտիվ փուլում է, եւ հենց նախաքննության գաղտնիությունից ելնելով` իրավասու չենք պատասխանել, թե ինչն է պաճառը, որ ԱԱԾ է տեղափոխվել սույն գործի քննությունը: Կարող ենք միայն ասել՝ ազգային անվտանգության ծառայության քննչական վարչության վարույթ փոխանցված` ՀՀ Սյունիքի մարզպետ Սուրիկ Սերգեյի Խաչատրյանի եւ նրա հետ գտնված երկու անձանց նկատմամբ մայիսի 20-ին սպանության փորձ կատարելու դեպքի առթիվ հարուցված թիվ 69104115 քրեական գործով, սպանության փորձը կատարելու կասկածանքով, ՀՀ ԱԱԾ մարմինների կողմից որոնվում է մոտ 55 տարեկան, 175 սմ հասակով, օվալաձեւ դեմքով, ալեխառն խիտ մազերով, ամրակազմ մարմնով, ուղիղ քթով, համաչափ դիմագծերով, դեմքին առանց հատուկ նշանների տղամարդ:
Մենք փորձեցինք նաեւ Սյունիքի մարզպետ Ս. Խաչատրյանից պարզաբանում ստանալ, սակայն նրա հետ կապվել մեզ այդպես էլ չհաջողվեց:
ԻԼՈՆԱ ԱԶԱՐՅԱՆ
Բաժանորդագրվե՛ք https://t.me/iravunk
1
31262 դիտում
2
6547 դիտում
3
2520 դիտում
4
1760 դիտում
5
1626 դիտում
2
19251 դիտում
3
17693 դիտում
4
11364 դիտում
5
8086 դիտում
5
8286 դիտում
