Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

«ԺԱՌԱՆԳՈՒԹՅՈՒՆ» ԽՄԲԱԿՑՈՒԹՅՈՒՆՈՒՄ ԿՌԻՎ Է ԸՆԿԵԼ

Արխիվ 12-16

«ԺԱՌԱՆԳՈՒԹՅՈՒՆ» ԽՄԲԱԿՑՈՒԹՅՈՒՆՈՒՄ ԿՌԻՎ Է ԸՆԿԵԼ

 

Երեկ ԱԺ արտահերթ նստաշրջանում քննարկվեց եւ վավերացվեց «ՀՀ կառավարության եւ ՌԴ կառավարության միջեւ ՀՀ կառավարությանը պետական արտահանման վարկ տրամադրելու մասին» համաձայնագիրը: Ուշագրավ էր այն, որ բոլոր խմբակցություններն այս համաձայնագրին կողմ քվեարկելու իրենց հստակ որոշումը ներկայացրեցին, բացի «Ժառանգություն» խմբակցությունից: Նախ ելույթ ունեցավ ԱԺ «Ժառանգություն» խմբակցության պատգամավոր Զարուհի Փոստանջյանը եւ սկսեց անպատասխանատու հայտարարություններ անել առ այն, որ խմբակցությունը դեմ է այս համաձայնագրին: Սակայն, ԱԺ «Ժառանգություն» խմբակցության ղեկավար Ռուբեն Հակոբյանը խմբակցության անունից ելույթ ունենալով` հիշեցրեց տիկին Փոստանջյանին, թե ով է գլխավորը եւ հայտարարեց, որ խմբակցությունն ազատ է իր քվեարկության մեջ: Ավելին` ինքն անձամբ կողմ է քվեարկելու եւ սկսեց իր հավասարակշռված եւ հիմնավորված դրույթները ներկայացնել ՌԴ-ի կողմից տրվող վարկի վերաբերյալ: Տեղից պայթեց Զարուհի Փոստանջյանն ու սկսեց բղավել պարոն Հակոբյանի վրա: Իսկ Ռ. Հակոբյանը միայն հորդորեց հանգստանալ ու շնորհակալություն հայտնեց «խորհուրդների» համար: Ի դեպ, արդյունքում վերոնշյալ համաձայնագրին միայն դեմ քվեարկեց Զ. Փոստանջյանը, ով ատելությամբ լցված «ֆշշացնում էր» իր կողքին նստած Ռ. Հակոբյանի վրա: Ընդգծենք, որ ի պատիվ իրեն, Ռ. Հակոբյանն այդպես էլ չտրվեց փոստանջյանական սադրանքներին ու կողմ քվեարկեց համաձայնագրին:

Կարելի է եզրակացնել, որ «Ժառանգություն» խմբակցությունը բաժանվել է երեք մասի` ազգայնական` Ռուբիկ Հակոբյան, ապազգային` Զարուհի Փոստանջյան եւ չեզոք դիրք ունեցող Թեւան Պողոսյան:


ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ