«ԺԻՐԱՅՐ ՍԷՖԻԼՅԱՆԻ ԿԱՐԾԻՔԸ ՉԻ ԿԱՐՈՂ ՄԵԶ ՎՐԱ ԱԶԴԵՑՈՒԹՅՈՒՆ ՈՒՆԵՆԱԼ»

«ԺԻՐԱՅՐ ՍԷՖԻԼՅԱՆԻ ԿԱՐԾԻՔԸ ՉԻ ԿԱՐՈՂ ՄԵԶ ՎՐԱ ԱԶԴԵՑՈՒԹՅՈՒՆ ՈՒՆԵՆԱԼ»

«Ոչ թալանին» նախաձեռության անդամ Սոֆյա Հովսեփյանը հայտարարեց, որ Բաղրամյան պողոտայում ձեւավորվում են աշխատանքային խմբեր` հոսանքի թանկացման դեմ պայքարելու համար: Աշխատանքային խմբերի մեջ կան, օրինակ, «Վճարում ենք 100 դրամ» նախաձեռնության անդամները:

Ինչ վերաբերում է Բաղրամյան պողոտայում գտնվողների հետ համագործակցելուն, Սոֆյա Հովսեփյանը հստակեցրեց` չեն համագործակցի այն մարդկանց հետ, ովքեր Բաղրամյան պողոտայի հարթակի վրա կանգնած, փորձեցին այլ ընթացքով տանել շարժումը: Իսկ հարթակից ներքեւ գտնվողների հետ պատրաստ են համագործակցել, եթե լինեն առաջարկներ:
Անդրադառնալով «Հիմնադիր խորհրդարան» շարժման համակարգող Ժիրայր Սէֆիլյանի` շարժման վրա ազդեցություն ունենալուն, նախաձեռնության մեկ այլ անդամ` Արթուր Քոչարյանը հերքեց այդ խոսակցությունները, ապա հստակեցրեց` Սէֆիլյանը` որպես քաղաքացի, կարող է իր կարծիքը հայտնել, բայց դա չի կարող «Ոչ թալանին» նախաձեռնության վրա ազդեցություն ունենալ: Ի վերջո, յուրաքանչյուր քաղաքական գործիչ նախեւառաջ ՀՀ քաղաքացի է:
Բանախոսները հերքեցին նաեւ այն լուրերը, թե շարժման վրա որոշ ուժեր ազդեցություն ունեն: «Շարժման մեկնարկի օրվանից փորձել են շարժումը տանել այլ ուղղությամբ, բայց դա չի հաջողվել»,– ասաց Արթուր Քոչարյանը:
Իսկ թե ովքեր են այդ մարդիկ, որոնք փորձել են շարժումը տանել այլ ուղղությամբ, անուններ չհրապարակեցին: Իսկ շարժումը խանգարողների մի մասին էլ ուղղակի չեն ճանաչում:
ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝