Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

ՕՐԵՆՔԻ ԲԱՑԸ՝ «ԿԱՆԱՉ ԼՈՒՅՍ» ՆԱԶԱՐՅԱՆԻ ՀԱՄԱՐ

Արխիվ 12-16

ՕՐԵՆՔԻ ԲԱՑԸ՝ «ԿԱՆԱՉ  ԼՈՒՅՍ»  ՆԱԶԱՐՅԱՆԻ ՀԱՄԱՐ

 

Այսօր, ԱԺ տնտեսական հանձնաժողովի նախագահ, ՀՀԿ-ական Վարդան Այվազյանը լրագրողների հետ զրույցում տեղեկացրել է մի կարևոր հանգամանք, համաձայն որի Հանրային ծառայությունները կարգավորող հանձնաժողովի որոշումները չեն կարող բողոքարկվել դատարանում:

Ուշագրավ այս հարցի ուսումնասիրությամբ պարզվում է, որ Նազարյանի հանձնաժողովը այդքան «անձեռնմխելի» է, քանի որ կա օրենսդրական բաց, որը թույլ է տալիս ՀԾԿՀ-ին սեփական երևակայության շնորհիվ թվեր նկարել և անպատիժ մնալ, հակառակ դեպքում դժվար թե ամեն տարի նույն պատճառաբանությամբ հոսանքի թանկացման մասին հայտեր բավարարվեին:

Տնտեսագիտության դոկտոր Վարդան Բոստանջանը «Իրավունք»-ի հետ զրույցում տեղեկացրեց, որ կարգավորման մասին ՀՀ օրենքում չկա այնպիսի դրույթ, համաձայն որի հնարավոր լինի օրենքով  սահմանված կարգով ստեղծված հանձնաժողովների որոշումների հանդեպ  հսկողություն իրականացնել կամ դատական կարգով բողոքարկել:

«Դա կլինի պարտված քայլ այն պատճառով, որ հանձնաժողովը բոլոր դեպքերում իր որոշումների  մեջ բերում է բացառապես այնպիսի հիմնավորումներ, որոնք իրականության հետ համապատասխանում են: Վատագույն դեպքում կարող է հանձնաժողովի համար տեսանելի չլինեն որոշ նրբություններ, որոնք օրենքով բողոքարկման ենթակա չեն: Սա օրենսդրական բաց  է, որը փաստորեն մենք նախապես ենք սահմանել, որ հանձնաժողովի որոշումը ենթակա չէ բողոքարկման»,- ասում է Վ. Բոստանջյանը :

Տնտեսագիտության դոկտորի կարծիքով օրենսդրական բացը լրացնելու համար հարկավոր է ավելացնել դրույթ այն մասին, որ եթե հանրաությունը իր անհամաձայնությունն է ներկայացնում որոշման վերաբերյալ, ապա հնարավոր լինի այն որոշակի կարգով քննարկման ենթարկել:

«Լուծումներից մեկն էլ այն կլինի, որ հանրապետության նախագահն ասաց՝ աուդիտ պետք է լինի: Աուդիտի պարագայում կարող է բացահայտվել, որ հանձնաժողովը օբյեկտիվ կամ սուբյեկտիվ պատճառներով որոշակի դժվար բացահայտվող երևույթները չի նկատել և չի ներառել  սակագնի հաշվարկի ամբողջ մեթոդաբանության մեջ: Իսկ առանց աուդիտի եզրակացության հնարավոր չէ հանձնաժողովի գործունեությունը վիճարկել դատարանում»,- ասում է Վ. Բոստանջյանը:

Իսկ որ էլեկտրաէներգիայի սակագնի հաշվարկման  հստակ մեթոդաբանություն չկա, որի պատճառով էլ դաշտում անորոշություն է տիրում, վաղուց գաղտնիք չէ: Այդ մասին բարձրաձայնում են փորձագետները,  նշելով, որ հենց դա է պատճառը, որ որևէ մեկը չի կարող գլուխ հանել, թե իրականում ինչպես են հաշվարկվում սակագների թվերը: Փաստորեն, ի սկզբանե էլ օրենքով սահմանված կարգով  Նազարյանի հանձնաժողովի համար ապահովվել է «անխափան» և «անկաշկանդ» գործունեություն ծավալելու բոլոր պայմանները, իսկ թե  ինչո՞ւ  է ՀԾԿՀ-ին նման արտոնության «շնորհվել» արդեն  կարող է պատասխանել անգամ Բաղրամյան պողոտայում կանգնած մանկապարտեզահասակ երեխան:

 

ԱՐՄԻՆԵ  ԳՐԻԳՈՐՅԱՆ

Հավանեցի՞ր հոդվածը, կիսվիր ընկերներիդ հետ