ՕՖԵԼՅԱ ՀԱՄԲԱՐՁՈՒՄՅԱՆ. «ԲԵՄ ԲԱՐՁՐԱՆԱԼԸ ՀՈՒԶՄՈՒՆՔԻ ԲՈՒՆ Է» (տեսանյութ)
Արխիվ 12-16ՕՖԵԼՅԱ ՀԱՄԲԱՐՁՈՒՄՅԱՆ.
«ԲԵՄ ԲԱՐՁՐԱՆԱԼԸ ՀՈՒԶՄՈՒՆՔԻ ԲՈՒՆ Է» (տեսանյութ)
Օրերս Ալ. Սպենդիարյանի անվան Օպերայի եւ բալետի ազգային ակադեմաիակն թատրոնում կայացավ ՀՀ ժողովրդական արտիստ ՕՖԵԼՅԱ ՀԱՄԲԱՐՁՈՒՄՅԱՆԻ 90-ամյակին նվիրված հոբելյանական երեկոն: Երեկոյի ավարտին բեմ դուրս եկավ նաեւ ժողովրդական արտիստի դուստրը` հանրահայտ ջազ երգչուհի ՏԱԹԵՎԻԿ ՀՈՎՀԱՆՆԻՍՅԱՆԸ, ով ԱՄՆ-ից Հայաստան էր ժամանել հատուկ հոբելյանական միջոցառման համար: Հայտնի ջազ երգչուհին երկու
անակնկալ էր պատրաստել հանդիսատեսի համար: Նախ` հանդես եկավ ոչ թե ջազային իր որեւէ կատարումով, այլ` ժողովրդական պոպուրին կատարեց ջազային մատուցմամբ: Որին հաջորդեց մայր ու դստեր համատեղ զուգերգը, որն անակնկալ էր հանդիսատեսի համար: Դահլիճը քար լռությամբ, շունչը պահած վայելում էր 90-ամյա անզուգական երգչուհու ու դստեր հրաշալի զուգերգը, որը պատմության մեջ կայացավ առաջին անգամ եւ ապացուցեց, որ լավ երգչուհու համար տարիքը երբեք չի խլում ձայնը: ժողովրդի սերը վայելած երգչուհին շունչը տեղը բերելով` ասաց. «Այնքան եմ հուզվել, որ չեմ կարողանում խոսել: Սիրելի ժողովուրդ, այս սերը ես մոտ 60-70 տարի եմ վայելում, շնորհակալ եմ բոլորին: Հուզված էի, թե չէ ավելի լավ կերգեի, ես դեռ ձայն ունեմ»,- ժպիտով ասաց հոբելյարն ու նույն տոնով շարունակեց. «Չկարծե՛ք, թե բեմ բարձրանալը հեշտ բան է, ոչ, հուզմունքի բուն է»:
Առավել մանրամասն` տեսանյութում.
ԼԻԼԻԹ ԵՂԻԱԶԱՐՅԱՆ
Բաժանորդագրվե՛ք https://t.me/iravunk
