Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

ԲԻԲԻՆԻՆ ԽՈՐՀՈՒՐԴ ԵՆ ՏՎԵԼ ''ՉԹՌՆԵԼ''

Արխիվ 12-16

ԲԻԲԻՆԻՆ ԽՈՐՀՈՒՐԴ ԵՆ ՏՎԵԼ ''ՉԹՌՆԵԼ''


Մեր հավաստի տվյալների համաձայն` այս օրերին գործուղման անվան տակ Մոսկվայում գտնվող ՀԷՑ տնօրեն Եվգենի Բիբինը փորձել է <Ինտեր ՌԱՕ ԵԷՍ>-ում լուծել ՀԷՑ-ում իր պաշտոնանկության եւ <ՌԱՕ ԵԷՍ>-ի համակարգում նոր պաշտոն ստանալու հարցը: Որպես պատրվակ` Բիբինը փորձել է ներկայացնել այն հարցը, թե քանի որ Հայաստանում հոսանքի սակագները իր պահանջած չափով` 17 դրամով չբարձրացան, ուրեմն ինքն այլեւս չի կարող որեւէ պատասխանատվություն կրել ՀԷՑ-ի գործունեության համար: Սակայն <Ինտեր ՌԱՕ ԵԷՍ>-ում Բիբինին հուշել են, որ այս պահին նրա պաշտոնանկությունն առնվազն անցանկալի է, քանի որ դա կնմանվի սպասվող աուդիտի արդյունքներից խուսափելու նպատակով փախուստի, եւ հենց նա կդառնա ՀԷՑ-ի ներկայիս վիճակի թիվ 1 պատասխանատուն: Ընդ որում, եթե աուդիտը Բիբինի կողմից թույլ տրված ապօրինության կոնկրետ փաստեր արձանագրի, ապա տեղափոխումն էլ նրան չի օգնի, քանի որ ՀԷՑ-ի թեման արդեն ծայրահեղ քաղաքականացված է, գտնվում է Կրեմլի ուշադրության կենտրոնում եւ ամեն դեպքում ցուցադրական պատասխան տվողներ պետք է հայտնաբերվեն: Մինչդեռ` Բիբինի պաշտոնանկությունը թույլ տալու դեպքում <Ինտեր ՌԱՕ ԵԷՍ>-ն արդեն կդիտարկվի որպես հետքերը խճճելու համար նրան փախցնող, եւ այդ դեպքում ՀԷՑ-ի այս ողջ պատմությունը կջարդվի հենց <Ինտեր ՌԱՕ ԵԷՍ>-ի ղեկավարության գլխին: Այսինքն` ճիշտ է, որ Բիբինը վերադառնա Երեւան, ամեն ինչ անի, որ չարաշահումներ ի հայտ գալու դեպքում սլաքներն ուղղվեն նաեւ հայաստանյան որոշ համապատասխան չինովնիկների ուղղությամբ: Այդ կերպ` ՀԷՑ-ի հարցը հայ-ռուսական հարթությունից արդեն կտեղափոխվի միաժամանակ երկու երկրների պաշտոնյաների կողմից թույլ տրված զուտ տնտեսական չարաշահումների հարթություն: Իսկ երբ այս պատմությունից քաղաքական բաղադրիչը դուրս գա եւ Կրեմլի ուշադրությունը թուլանա, արդեն <Ինտեր ՌԱՕ ԵԷՍ>-ի շեֆերը կփորձեն նրան հնարավորինս օգնել Բիբինին:

Մեր աղբյուրը միաժամանակ նշում է, որ այս <խորհուրդը> Բիբինը դժկամությամբ է ընդունել` մտահոգված լինելով, որ հանուն Հայաստանի հետ հարաբերությունների` իրեն կարող են առանց վայրկյան անգամ մտածելու զոհաբերել, իսկ <Ինտեր ՌԱՕ ԵԷՍ>-ի շեֆերը կփորձեն հնարավորինս հեռու մնալ, հաշվի առնելով, որ կա նաեւ վտանգ, որ բիբինյան հետքը կհասնի իրենց:


ՔԵՐՈԲ ՍԱՐԳՍՅԱՆ

Հավանեցի՞ր հոդվածը, կիսվիր ընկերներիդ հետ