ՏԱՃԱՏ ՍԱՐԳՍՅԱՆ. «ՀԱՅ ԺՈՂՈՎՈՒՐԴԸ ՄԱՅԴԱՆ ՉԻ ԱՆԻ»
Արխիվ 12-16
ՏԱՃԱՏ ՍԱՐԳՍՅԱՆ. «ՀԱՅ ԺՈՂՈՎՈՒՐԴԸ ՄԱՅԴԱՆ ՉԻ ԱՆԻ»
ՀԿԿ առաջնորդ Տաճատ Սարգսյանն իր համախոհներով երեկ եւս ներկա է եղել Բաղրամյան պողոտայում տեղի ունեցած հանրահավաքին: «Կոմունիստները դատապարտել են հոսանքի թանկացումը: ՀՀ-ում սոցիալական ծանր իրավիճակ է: Մենք ժողովրդի կողքին ենք: Հոսանքի թանկացման դեմ պայքարը զարթոնք էր, ըմբոստացում, իրավունքների պաշտպանություն էր»,- կարծում է կոմունիստը:
Երեկվա պառակտումները, ըստ մեր զրուցակցի, արեւմտամետների ձեռքի գործն է: «Հենց նրանք դա էին ուզում, նրանց մատը խառն է: Բայց հայ ժողովուրդը մայդան չի անի»,- համոզված է ՀԿԿ առաջնորդը:
Անդրադառնալով Բաղրամյան պողոտայում տեղի ունեցող դեպքերի եւ Ուկրաինայում տեղի ունեցող մայդանի միջեւ համեմատություններին` Տաճատ Սարգսյանը վստահ է` մեր ժողովուրդն այդ քայլի չի գնա, քանի որ տեսել է 1915 թ-ի եղեռն, հայրենական պատերազմ, երկրաշարժ եւ հիմա էլ այսպիսի վատ վիճակում է:
Սերժ Սարգսյանի հայտարարությունը կոմունիստի խոսքով, ժամանակ շահելու համար արված քայլ է: «Եթե Ժողովուրդը կարծում է, որ վեդց ամիս ժամանակ պետք է տալ ուսումնասիրություն անելու համար, եվ այդ ընթացքում կառավարությունն իր վրա կվերցնի այդ թանկացոումների բեռը, դա այլ հարց է: Իսկ եթե դա իրականությանը չհամապատասխանող խոստում է, մենք դեմ ենք»,- կարծում է կոմունիստական կուսակցության առաջնորդը:
Քաղաքական գործիչը դժվարանում է ասել` պետք է «Ոչ թալանին» շարժման մասնակիցները բանակցեն իշխանության հետ, թե` ոչ: «Ժողովուրդը թող որոշի, դա այլ հարց է, իսկ եթե դա մասնավոր մարդկանց կարծիք է, դա ճիշտ չէ»,- եզափակեց ընկեր Սարգսյանը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31316 դիտում
2
11007 դիտում
3
2740 դիտում
4
1783 դիտում
5
1694 դիտում
2
19318 դիտում
3
11374 դիտում
5
8094 դիտում
3
17693 դիտում
