Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

ԲԱՂՐԱՄՅԱՆ ՓՈՂՈՑԻ ԱԿՑԻԱՅԻՆ ՄԱՍՆԱԿՑԵՑ ՆԱԵՎ ՀՀԿ-ԱԿԱՆ ՊԱՏԳԱՄԱՎՈՐ ԱՇՈՏ ԱՂԱԲԱԲՅԱՆԸ

Արխիվ 12-16

ԲԱՂՐԱՄՅԱՆ ՓՈՂՈՑԻ ԱԿՑԻԱՅԻՆ ՄԱՍՆԱԿՑԵՑ

ՆԱԵՎ ՀՀԿ-ԱԿԱՆ ՊԱՏԳԱՄԱՎՈՐ ԱՇՈՏ ԱՂԱԲԱԲՅԱՆԸ

 

Երեկ ՀՀ Նախագահը  խորհրդակցություն է անցկացրել ՀՀ տնտեսական քաղաքականության պատասխանատուների հետ եւ մասնավորապես նշել. «Սակագնի բարձրացումը չեղյալ հայտարարելը ծայրահեղ վտանգավոր է: Ուստի` մինչեւ եզրակացության կազմումը այդ ընկերության կողմից կառավարությունը իր վրա կվերցնի սակագնի բարձրացման ամբողջ բեռը: Անշու՛շտ, մենք ընթացող ծրագրերին կամ սոցիալական ծախսերին չենք դիպչի, այլ գումարներ կգտնենք անվտանգության հետագա ամրապնդման համար նախատեսվող միջոցներից: Իհարկե, մեր անվտանգության խնդիրները հեռու են լուծված լինելուց, և սա մեղմ ասած, բայց կասկածամտության ու անվստահության այն մթնոլորտը, որ այսօր կա, նույնպես անվտանգության խնդիր եմ համարում եւ շատ կարեւոր խնդիր: Դա լուծել է պետք»: Սակայն, վերոնշյալ հայտարարությունից հետո Բաղրամյան փողոցի սկզբնամասում արդեն 8 օր էլեկտրաէներգիայի թանկացման դեմ շարունակվող ակցիան ստացավ առավել տոնական տրամադրություն ու շարունակվեց նույն ոգով: Ի դեպ, երեկ խիստ զարմանալի երեւույթի ականատեսը եղանք: Ցուցարարների շարքերում «Իրավունքի» աչքից չվրիպեց ԱԺ ՀՀԿ խմբակցության պատգամավոր ԱՇՈՏ ԱՂԱԲԱԲՅԱՆԸ, ում հետ առիթ ունեցանք զրուցել ստեղծված իրավիճակի մասին:

- Պարոն Աղաբաբյան, ինչպե՞ս կգնահատեք ՀՀ Նախագահի որոշումն առ այն, որ մինչեւ աուդիտի անցկացումը ՀՀ կառավարությունն իր վրա է վերցնելու էլեկտրաէներգիայի սակագնի բարձրացման ամբողջ բեռը:

- Ճիշտ որոշում է, մինչեւ չապացուցվի, թե ինչ է տեղի ունենում: Բայց, իմ կարծիքով, խնդիրը էլեկտրաէներգիայի սակագնի 7 դրամով թանկացումը չէ, այլ ամեն տարի եղած գինն ավելացնելն է: 7 դրամը մի մեծ գումար չէ ամեն ընտանիքի համար, բայց ինչքա՞ն կարելի է ամեն տարի ինչ-որ մասնավոր կազմակերպության հարստացնել, որն իր բիզնեսը կապում է ժողովրդի հետ, ժողովրդի գրպանի հետ: Դրա մասին է խոսքը:

- Ձեր այսօր այստեղ լինելը ժողովրդի հետ, այսպես ասած, հաղթանակը նշելու առթի՞վ է:

- Չեմ մտածում հաղթանակի կամ պարտության մասին: Ընդամենը հիացած եմ մեր երիտասարդությամբ, որ Մովսես Գորգեսյանի խոսքերով եկել է վաղվա Հայաստանը: Այսօր կարծես, սկսել է վաղվա Հայաստանը մեր երիտասարդների համար:

- Գաղտնիք չէ, որ այս օրերին ցուցարարների շարքերում փորձում էին հայտնվել որոշ սադրիչներ, ի՞նչ կասեք այս մասին:

- Ես մի անգամ էլ եմ նշել, որ չկա մի շարժում, որի մեջ չլինեն բախտախնդիրներ, սադրիչներ: Բայց ինձ թվում է` մաքրվեցին, որովհետեւ շատ ազնիվ եւ անկեղծ ցույց է սա: Եվ այն ոչ թե ինչ-որ մեկի դեմ է, այլ մարդն ինքն իր համար եկել կանգնել է, հասկանում է, որ դա արժանապատվության խնդիր է: Եվ իմ կարծիքով սադրիչները կվերանան ու կեղտոտներ չեն լինի:

-Այնուամենայնիվ, ցուցարարների մի հատված, անկախ նրանից, որ ինչ-որ առումով իրենց պահանջը բավարարվեց, չեն ցանկանում լքել Բաղրամյան փողոցը: Որքա՞ն կարող է այն խաղաղ շարունակվել:

-Իմ կարծիքով մինչեւ հաղթանակ:

- Իսկ ո՞րն եք համարում այս պարագայում հաղթանակ:

- Համարում եմ, որ ընդհանրապես մեր պետությունը պետք է ունենա վերահսկիչ իր դերը եւ չթողնի թանկացումներ: Ամեն տարի ինչ-որ մի բան թանկանում է, հիմա մենք կանգնել ենք, որ ոչ մի տարի չլինի այնպես, որ ամեն ինչ անընդհատ թանկանա: Մեզ պետք չէ, որ պետությունն իր բյուջեից կոմպեսացնի այն, մենք, պարզապես, պետք է չթողնենք թանկացում:



ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ