Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

ՀՈԳԵՎՈՐԱԿԱՆՆԵՐՆ ԱՂՈԹՔ ՀՆՉԵՑՐԻՆ ՈՍՏԻԿԱՆՆԵՐԻ ԱՌԱՋ` ԽԱՂԱՂ ՑՈՒՅՑԻ ԱԿՆԿԱԼԻՔՈՎ

Արխիվ 12-16

ՀՈԳԵՎՈՐԱԿԱՆՆԵՐՆ ԱՂՈԹՔ ՀՆՉԵՑՐԻՆ

ՈՍՏԻԿԱՆՆԵՐԻ ԱՌԱՋ` ԽԱՂԱՂ ՑՈՒՅՑԻ ԱԿՆԿԱԼԻՔՈՎ


Եվ կրկին խաղաղ գիշեր է Բաղրամյան փողոցում: Եթե մի քանի ժամ առաջ կրքերը թեժացել էին թե՛ էլեկտրաէներգիայի դեմ պայքարող ցուցարարների կողմից, եւ թե՛ ոստիկանության վարքագծի մեջ, ապա այժմ տեւական անդորր է տիրում: Թերեւս ոստիկանության կազմած կենդանի պատի դիմաց հոգեւորականների հղած աղոթքը հասավ առ Աստված: Նշենք, որ մի քանի ժամ առաջ իրավիճակը խիստ լարված էր ոչ այն պատճառով, որ ՀՀԿ ԳՄ նիստում չհնչեց ցուցարարների բաղձալի որոշումն, սակայն ինչպես նշել է ՀՀԿ խոսնակ պարոն Շարմազանովը սա դեռ վերջնական որոշում չէ: Ինչեւէ  կամաց-կամաց փակվում էր նաեւ Մաշտոցի պողոտան: ՀՀ ոստիկանապետ ՎԼԱԴԻՄԻՐ ԳԱՍՊԱՐՅԱՆԸ բավական կոշտ շեշտադրումներով զգուշացրեց ցուցարարներին, որ եթե Մաշտոցի պողոտան փակվի, ապա ոստիկանությունը կդիմի համապատասխան գործողությունների: Այնուհետեւ ոստիկանության հետ սկսեց բանակցել ԱԺ ՕԵԿ խմբակցության պատգամավոր ՀՈՎՀԱՆՆԵՍ ՄԱՐԳԱՐՅԱՆԸ ու երկարատեւ զրույց ունեցավ նաեւ Վ. Գասպարյանի հետ: Այս մասին «Իրավունքը» հենց տեղում փորձեց որոշակի հարցերի պատասխաններ ստանալ պարոն Մարգարյանից:

- Ինչպե՞ս կգնահատեք Բաղրամյան փողոցում տիրող իրավիճակն այս պահին:

- Նորմալ է ամեն ինչ, ուղղակի, քանի որ փակվել էր կարեւոր փողոցներից մեկը, մի քիչ աժիոտաժ ստեղծվեց, բայց, փառք Աստծո, հանդարտվեց, առանց որեւէ բախումների:

- Եթե գաղտնիք չէ, ի՞նչ էիք բանակցում ոստիկանապետի հետ:

- Բանակցում էինք, որ ցույցը խաղաղ շարունակվի, սադրանքներ չլինեն: Փորձենք հնարավոր ամեն ինչ անել, որ սադրանքներ չլինեն, որովհետեւ երիտասարդները շատ են: Մի խոսքով` պետք է ավելի սթափ մոտենալ հարցին:

- Իսկ ոստիկանությունը որեւէ երաշխիքներ տվե՞ց, որ որեւէ բախում չի լինի:

- Երաշխիքն այն էր, որ որեւէ գործողություն չկատարվեց:

- Մաշտոցի պողոտայում էլ, կարծես, իրավիճակը խաղաղվեց…

- Հիմա այնտեղ էլ հանգստացավ: Հենց Մաշտոցի պողոտայով էր պայմանավորված մի փոքր աժիոտաժը, որ սկսվեց: Բարեբախտաբար,մենք բոլորս այստեղ ենք:

- Ի դեպ, ընդդիմադիր պատգամավորները նույնպես որոշակի բանակցությունների մեջ են միմյանց հետ, որեւէ միասնական որոշում ունե՞ք այս պահին:

- Մերթընդմերթ վարվում են բանակցություններ` խոսում ենք, զրուցում, փորձում անել ամեն ինչ, որ ցույցն իր բնականոն հունից դուրս չգա, մեր ուզածն այս է: Չէ որ սա լավ նախաձեռնություն է` արդար պայքարը:

- Ի՞նչ կասեք ՀՀԿ ԳՄ նիստի արդյունքների մասին:

- Ես որեւէ որոշումից տեղյակ չեմ, տեղեկություններ չունեմ:

- Ինչպիսի՞ առավոտ է այսօր սպասվում Բաղրամյան փողոցում:

- Առաջ Աստված, բարի առավոտ թող լինի եւ այս արդար հարցը իր արդարացի հանգուցալուծումը գտնի, ինչպես ուզում են մեր բոլոր հայրենակիցները:

 

ՀՐԱՆՏ ՍԱՐԱՖՅԱՆ

 

Հ.Գ.- «Իրավունքը» գիշերվա 03:30-ի սահմաններում նկատել է, որ տասնյակից ավելի մարդատար ավտոբուսներ ոստիկանական զորքերին տեղափոխում են Երեւանի կենտրոնից: Եզրակացությունները թողնելով ձեզ` մեզ մնում է հույս հայտնել, որ այսօր էլ արշալույսները խաղաղ կլինեն Բաղրամյան փողոցում:

Հավանեցի՞ր հոդվածը, կիսվիր ընկերներիդ հետ