Դ. ԴԵՎԻՍԻՆ. «ՀԱՅՈՑ ՑԵՂԱՍՊԱՆՈՒԹՅԱՆ ԴԱՏԱՊԱՐՏՄԱՆ ՀԱՐՑՈՒՄ ՇՈՏԼԱՆԴԻԱՆ ՀԱՅԱՍՏԱՆԻ ԿՈՂՔԻՆ Է»
Արխիվ 12-16
Դ. ԴԵՎԻՍԻՆ. «ՀԱՅՈՑ ՑԵՂԱՍՊԱՆՈՒԹՅԱՆ ԴԱՏԱՊԱՐՏՄԱՆ ՀԱՐՑՈՒՄ ՇՈՏԼԱՆԴԻԱՆ ՀԱՅԱՍՏԱՆԻ ԿՈՂՔԻՆ Է»
Հայոց ցեղասպանության միջոցառումները համակարգող հանձնախմբի եւ «Փյունիկ» հիմնադրամի նախաձեռնությամբ Երեւանում տեղի կունենա բրիտանացի բանաստեղծուհի ՋԻՆԻ ՀԵՆՍՈՆԻ «Ամպերի տակ» ժողովածուհի շնորհանդեսը: Գիրքը, որը հայերեն թարգմանել է Արծվի Բախչինյանը, պատմում է սիրո, կորստի եւ իղձերի մասին: Գրքի հայերեն տարբերակը շնորհանդեսը տեղի կունենա նաեւ Լոնդոնում, հեղինակի կողմից այն նվիրվում է Հայոց ցեղասպանության 100-րդ տարելիցին: Ջ. Հենիսոնի խոսքով`Հայաստանում նա իրեն տանն է զգում, քանի որ միշտ շրջապատված է լինում հայ ընկերներով եւ հարազատներով. «Ճիշտ է, Հայաստանում ես մի քիչ հուզվում եմ, մանավանդ այսօր, երբ այցելեցի Ցեղասպանության անմեղ զոհերին նվիրված հուշահամալիր, սակայն այստեղ ինձ համար հարազատ է»,-նշեց տիկին Հենսոնը, ով Հայաստան է ժամանել ամուսնու`շոտլանդացի հայտնի դիրիժոր ԴԵՎԻԴ ԴԵՎԻՍԻ հետ:
Սա դիրիժորի երկրորդ այցն է Հայաստան, առաջին այցելության ընթացքում նա համերգով հանդես է եկել Երեւանում եւ ղեկավարել Հայաստանի Ֆիլարմոնիկ նվագախումբը. «Առաջին այցելության ժամանակ ինձ ուղեկցում էր կինս, իսկ այսօր տեղերով փոխվել ենք`ես եմ նրան ուղեկցողը:Հայաստանում եմ ոչ թե որպես երաժիշտ, այլ որպես մարդ , ով Հայաստանի ընկերն է եւ լավ բարեկամը: Մեր երկրների`Հայաստանի եւ Շոտլանդիայի միջեւ շատ նմանություներ կան , քանի որ երկու երկրներն էլ շրջապատված են հարեւաններով, որոնք այդքան էլ բարեհամբյուր չեն մեր նկատմամբ: Հայոց ցեղասպանության դատապարտման հարցում Շոտլանդիան Հայաստանի կողքին է եւ պետք է անենք ամեն ինչ, որպեսզի Հայաստանը ունենա պայծառ ապագա»,-ընդգծեց Դ. Դեվիսինը:
ԶՎԱՐԹ ԽԱՉԱՏՐՅԱՆ
Բաժանորդագրվե՛ք https://t.me/iravunk
1
31322 դիտում
2
11060 դիտում
3
2786 դիտում
4
1789 դիտում
5
1702 դիտում
2
19318 դիտում
3
11374 դիտում
5
8094 դիտում
3
17693 դիտում
