ԱԶԱՏԱՄԱՐՏԻԿԻ ԸՆՏԱՆԻՔԸ ՍՊԱՍՈՒՄ Է ՎԱՐՉԱԿԱՆ ԴԱՏԱՐԱՆԻ ԾԱՆՈՒՑԱԳՐԻՆ

ԱԶԱՏԱՄԱՐՏԻԿԻ ԸՆՏԱՆԻՔԸ ՍՊԱՍՈՒՄ Է ՎԱՐՉԱԿԱՆ ԴԱՏԱՐԱՆԻ  ԾԱՆՈՒՑԱԳՐԻՆ

«Իրավունքը»  շարունակում է  հետեւողական լինել ազատամարտիկ Վարդան Դարբազյանի ընտանիքի գործին:

Հիշեցնենք` ամեն ինչ սկսվել է 1988 թ-ին, երբ Դարբազյանները գնել են Մադոյան փողոցի 24 տունը մայր ու որդի Արմենուհի և Անդրանիկ Սարգսյաններից՝ իրենց հարևանից, վճարելով 12.000 ռուբլի, սակայն այդ գումարի դիմաց որևէ փաստաթուղթ չեն վերցրել: Հետագայում Սարգսյանների ժառանգ Մելինե Սարգսյանը չեղյալ է համարել հարեւանների այդ գործարքը եւ պահաջել ազատել բնակարանը: Գործը հասել է դատական ատյաններին, մասնավորապես Շենգավիթ վարչական շրջանի ընդհանուր իրավասության դատարանը օգոստոսի 4-ին, մերժել է Վարդուհի Գևորգյանի հայցը, որով պահանջել էր Մադոյան փողոցի 24 տան և տնամերձ հողի նկատմամբ իր ընտանիքի կողմից փաստացի զբաղեցրած մասը ճանաչել որպես իր սեփականություն, իսկ նվիրատվության պայմանագիրը եւ այլ անձի՝ Մ. Սարգսյանի անվամբ սեփականության իրավունքի գրանցումը ճանաչել անվավեր:

Փաստաբան Վարդան Զուռնաչյանի խոսքով` արդեն մեկ ամսից  ավելի է, որ սպասում է վարչական դատարանի ծանուցագրին:

Արդյոք  ծանուցագրի այսքան ուշացումը օրենքի խախտում  չէ: «Օրենքը ողջամիտ ժամկետ է նախատեսում, բայց  յուրաքանչյուր դատարան ինքն է  ողջամիտ ժամկետ  սահմանում»,- եզրափակեց  պրն Զուռնաչյանը:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝