ԱՐԹՈՒՐ ԳԵՎՈՐԳՅԱՆ. ՀԱՎՔԱԿԱՆԻ ՏՂԱՆԵՐԸ ԿԱՐՈՂԱՑԱՆ ՑՈՒՑԱԴՐԵԼ ՀԱՅԻ ՈԳՈՒ ԱՆԿՈՏՐՈՒՄ ԼԻՆԵԼԸ

ԱՐԹՈՒՐ ԳԵՎՈՐԳՅԱՆ. ՀԱՎԱՔԱԿԱՆԻ ՏՂԱՆԵՐԸ ԿԱՐՈՂԱՑԱՆ ՑՈՒՑԱԴՐԵԼ ՀԱՅԻ ՈԳՈՒ ԱՆԿՈՏՐՈՒՄ ԼԻՆԵԼԸ

Հայաստանի բռնցքամարտի ֆեդերացիայի նախագահ Արթուր Գեւորգյանն հայ մարզիկների մասնակցությունը Բաքվում կայացած Եվրոպական առաջին ամառային խաղերին արդեն իսկ հաղթանակ է համարում. «Շատ ուրախ եմ, որ մեր ազգային հավաքականի տղաները անփորձանք վերադարձան հայրենիք։ Նրանք կարողացան ցույց տալ մի շատ կարևոր բան՝ հայի ոգու անկոտրում և խիզախ լինելը։ Իհարկե հաղթանակները մեդալների տեսքով շատ կուրախացներ մեր ժողովրդին, բայց այս մրցաշարում մասնակցությունն արդեն հաղթանակ է։ Եվ այն բոլոր քննադատողներն, ովքեր համարում էին , որ պետք չէ գնալ, այժմ կարող են հպարտություն զգալ, որովհետև այս տղաները նրանց փոխարեն էլ հայի թասիբը պահեցին։ Բարի վերադարձ ձեզ քաջ մարզիկներ»,- ֆեյսբուքյան էջում գրել է Արթուր Գեւորգյանը:

Հիշեցնենք, որ բռնցքամարտի Հայաստանի հավաքականը մրցավայր էր մեկնել հետեւյալ կազմով՝ 49կգ քաշային Արտյոմ Ալեքսանյան, 52կգ քաշային Նարեկ Աբգարյան, 56 կգ քաշային Արամ Ավագյան, 60կգ քաշային Սամվել Բարսեղյան, 64 կգ քաշային Հովհաննես Բաչկով եւ  81 կգ քաշային Նիկոլ Հարությունով: Հայ բռնցքամարտիկներին չի հաջողվել մեդալ նվաճել Եվրոպական խաղերում:

ՔՐԻՍՏԻՆԵ ՊԵՏՐՈՍՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝