Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները

«ԱՅՍ ՔԱՆԱԿՈՒԹՅԱՄԲ ՄԱՐԴԿԱՆՑ, ՊԱՐԶԱՊԵՍ, ՕԲՅԵԿՏԻՎՈՐԵՆ ԱՆՀՆԱՐ Է ԿԱՌԱՎԱՐԵԼ»

Արխիվ 12-16

«ԱՅՍ ՔԱՆԱԿՈՒԹՅԱՄԲ ՄԱՐԴԿԱՆՑ, ՊԱՐԶԱՊԵՍ, ՕԲՅԵԿՏԻՎՈՐԵՆ ԱՆՀՆԱՐ Է ԿԱՌԱՎԱՐԵԼ»


Երեկ ուշ երեկոն կրկին աղմկոտ էր Բաղրամյան փողոցի սկզբնամասում: Եվ եթե մեկ օր առաջ էլեկտրաէներգիայի թանկացման դեմ պայքարող ցուցարարները երգում ու ասմունքում էին, ապա այժմ սուլում ու առարկաներ էին նետում ոստիկանության վրա: Հատկանշական էր այն, որ ցուցարարների շարքերում կամաց-կամաց չգիտես էլ թե որտեղից հայտնվում էին եվրապիտակներով մայդանչիներ, որոնք ոչ պակաս ակտիվ էին` հատկապես ոստիկաններին սադրելու գործում: Ի դեպ, թեպետ մի ողջ օր ընդդիմությունը սկսեց հուզառատ ելույթներ ունենալ, սակայն մինչեւ ուշ երեկո այդպես էլ ցուցարարների շարքերում նրանցից ոչ ոք չհայտնվեց: Նրանցից միայն ԱԺ «Ժառանգություն» խմբակցության պատգամավոր Զարուհի Փոստանջյանն էր առաջին շարքերում, վերջին շարքերում էլ ԱԺ ՀԱԿ խմբակցության պատգամավոր Արամ Մանուկյանն էր թամաշա անում: Բայց արի ու տես, որ ցույցի վառ կերպարներից ընդդիմության նորաթուխ ներկայացուցիչներից էին` ՀՀ նախագահի նախկին թեկնածու, քաղաքագետ Անդրեաս Ղուկասյանը եւ «Նոր քաղաքական մշակույթ» կուսակցության ղեկավար Անի Զախարյանը: Ստեղծված իրավիճակի մասին էլ հենց «Իրավունքը» զրուցեց ԱՆԴՐԵԱՍ ՂՈՒԿԱՍՅԱՆԻ հետ:


«ՑՈՒՑԱՐԱՐՆԵՐԻ ՏՐԱՄԱԴՐՈՒԹՅՈՒՆԸ ԼԻՈՎԻՆ ՏԱՐԲԵՐՎՈՒՄ Է ԵՐԵԿՎԱ ՎԱՐՔԱԳԾԻՑ»


–Պարոն Ղուկասյան, միջազգային մամուլը չարախնդում է, թե Հայաստանում մայդան է: Արդյո՞ք կարելի է ասել, որ այս պահին մայդանային իրավիճակ ունենք:
– Այս պահին` ոչ: Հիմա այստեղ կա 10 հազարից ավելի մարդ, եւ շատ կարեւոր է գտնել համապատասխան լուծումներ: Մի շարք գործողություններ են պետք անել, որպեսզի վերահսկողության տակ վերցվի այս դրությունը: Անհրաժեշտ է խուսափել բախումից` ոստիկանության եւ ցուցարարների միջեւ: Ցուցարարների տրամադրությունը լիովին տարբերվում է երեկվա վարքագծից: Դա նաեւ պայմանավորված է նրանով, որ հանրությունը երեկվա ոստիկանության գործողությունները դիտարկեց որպես ոչ համաչափ:
– Չե՞ք կարծում, որ, համենայնդեպս, առերես ցույցի կազմակերպիչ չունենալն է, որ նման անվերահսկելի իրավիճակ է ստեղծվել:
– Իսկապես, այդ է խնդիրը, եւ պետք է հենց հիմա լուծել այն: Այս պահի դրությամբ անհրաժեշտ է այս ամենը փորձել վերցնել ղեկավարման տակ: Մենք տեսնում ենք, որ ինչ-որ գործողություններ արվում են այդ ուղղությամբ:

ԻՍԿ ԱՌԱՋՆԱԳԾՈՒՄ ԿՐԿԻՆ ԼՐԱԳՐՈՂՆԵՐՆ ԷԻՆ


– Իսկ ի՞նչ կասեք, որ ցուցարարների շարքերում այս օրերին հայտնվել են արտասահմանցիներ: Նրանք ի՞նչ շահ են հետապնդում այս ցույցից:
– Չեմ նկատել, լրագրողների առկայությունը խանգարում է հասկանալ, թե ովքեր են լրագրողներ, ովքեր` պարզապես քաղաքացիներ: Հիմա կա խնդիր` ստեղծել ոստիկանության եւ քաղաքացիների միջեւ բաց տարածություն եւ մաքրել այն, որպեսզի միայն լրագրողները գտնվեն առաջնագծում:

«ԱՅՆ, ԻՆՉԸ ՀՆԱՐԱՎՈՐ ԷՐ ԵՐԵԿ, ԱՅՍՕՐ ԱՐԴԵՆ ՀՆԱՐԱՎՈՐ ՉԷ»

–ՀՀ նախագահը պատրաստակամություն էր հայտնել ցուցարարների հինգհոգանոց պատվիրակությանն ընդունել եւ լսել նրանց պահանջները: Ըստ Ձեզ, արդյոք հենց դա չէր խնդրի լուծման ճանապարհը, որպեսզի այսօր արդեն մարդիկ չշեղվեին ցույցի բովանդակության բուն նպատակից:
– Այդ առաջարկն այլեւս իմաստ չունի քննարկել: Խնդիրն այսօրվա եւ այսօրվա իրավիճակի մասին է: Այն, ինչը հնարավոր էր երեկ, այսօր արդեն հնարավոր չէ:
– Այս անգամ ինչպիսի՞ առավոտ է սպասվում Բաղրամյան փողոցում:
– Գտնում եմ, որ հիմա այն պահն է, երբ քաղաքական իշխանությունները պիտի ընդունեն պատասխանատու որոշում: Այլ ճանապարհ չեմ տեսնում, բացի այն, որ պետք է բավարարել ցուցարարների պահանջները: Կարծում եմ` դրա մասին հայտարարությունը պետք է պատասխանատու պետական գործիչները կատարեն հենց այստեղից: Գան ժողովրդի մոտ բաց դեմքով եւ ասեն, որ իրենց պահանջները ընդունում են: Միայն այդ դեպքում մենք կկարողանանք վերահսկողության տակ վերցնել այս իրավիճակը, որովհետեւ այս քանակությամբ մարդկանց, պարզապես, օբյեկտիվորեն անհնար է կառավարել:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ