ՍՈՑԻՈԼՈԳԸ` ՀՈՍԱՆՔԻ ԹԱՆԿԱՑՄԱՆ ԴԵՄ ՊԱՅՔԱՐԻ ՄԱՍԻՆ. «ՊԱՏԱՀԱԿԱՆ ՉԷ`ՔԱՂԱՔԱԿԱՆ ԳՈՐԾԻՉՆԵՐԸ ՄԻ ԿՈՂՄ ԵՆ ՔԱՇՎԵԼ
Արխիվ 12-16
ՍՈՑԻՈԼՈԳԸ` ՀՈՍԱՆՔԻ ԹԱՆԿԱՑՄԱՆ ԴԵՄ ՊԱՅՔԱՐԻ ՄԱՍԻՆ. «ՊԱՏԱՀԱԿԱՆ ՉԷ`ՔԱՂԱՔԱԿԱՆ ԳՈՐԾԻՉՆԵՐԸ ՄԻ ԿՈՂՄ ԵՆ ՔԱՇՎԵԼ»
Արդեն երկու օր է, որ Բաղրամյան պողոտայում քաղաքացիները պայքարում են հոսանքի թանկացման դեմ: «Իրավունքը» սոցիոլոգ Ահարոն Ադիբեկյանից պարզեց` ընդունո՞ւմ է, որ իր կանխատեսումներն այն մասին, թե մեր ազգը սոցիական բունտ անող չէ, իրականություն դարձավ: Ահարոն Ադիբեկյանն ի պատասխան ասաց, որ Բաղրամյան պողոտայում տեղի ունեցողը խռովություն է, երբ մի խմբավորում դուրս է գալիս մյուսի դեմ: «Երեւանում ապրում է 800.000 մարդ, իսկ փողոց է դուրս եկել մի քանի հազար մարդ: Իշխանությունը չպետք է ինքնահոսի թողնի այս շարժումը, պետք է վերահսկի այն: Սա տարերային բողոքի ակցիա է, որը բնորոշ է հետամնաց ժողովրդավարական երկրներին: Պատահական չէ, որ քաղաքական ուժերը մի կողմ են քաշվել»,- ասաց պրն Ադիբեկյանը:
Ըստ Ադիբեկյանի` որպես քաղաքացի ինքը կմիանա այս շարժմանն այն դեպքում, երբ քննարկումներ լինեն, որտեղ էլ մի քանի առաջարկ կանի, օրինակ, հասարակության խոցելի խմբերին փոխհատուցել: «Այդ ակցիայի պարագլուխներին հարցրեք` ինչպես է հոսանքի գինը գոյանում: Ոչ ոք չգիտի: Իսկ դա պետք է իմանալ, որպեսզի հասկանա` իր պահանջն արդարացի է, թե`ոչ: Իսկ ակցիայի մասնակիցներն ասում են` թքած ունենք, ձեզ ընտրել ենք, գնացեք մտածեք: Բայց դեմոկրատիան այն է, որ բոլորս որոշում կայացնենք: Ակցիայի մասնակիցները գնում են իրենց բնազդի հետեւից` ասելով` վայ, մեր գրպանից փող են տանում»,-ասաց մեր զրուցակիցը:
Ահարոն Ադիբեկյանը հռետորական հարց է բարձրացնում`ուր են արհմիությունները, սպառողների իրավունքներով զբաղվող ՀԿ-ն, ինչո՞ւ քայլեր չեն ձեռնարկում: «Մեր ընտանիքը միջինն ամսականն 100$ եկամուտ ունի մեկ շնչի հաշվով: Չորս հոգանոց ընտանիքը կունենա 400$: Եթե ամիսը 10.000 դրամ են ծախսում հոսանքի համար, հիմա 1500 դրամով այն կավելանա: Իսկ ձմռանը հոսանքի օգտագործումը կտրուկ կաճի»,- մանրամասնում է սոցիոլոգը:
Սոցիոլոգը հորդորում է իշխանությանը վերահսկել էլեկտրաէներգիա, ջուր, գազ մատակարարող ենթակառուցվածքների աշխատանքը: «ՀԷՑ-ի ղեկավարները պարտավոր են եռամսյակը մեկ հաշվետվություն ներկայացնել, կատարված աշխատանքները, ինչ ծախսեր է անելու, իսկ կառավարիչը ոչ մի տեղեկություն չի տալիս`ասելով, ոչր իբր այն արտադրական գաղտնիք է: Սա ՀՀ օրենքների խախտում է, սրա դեմ է պետք պայքարել: Այնպես որ, բողոքի ակցիան դաս կլինի ՀԷՑ-ի կառավարիչներին, որ նման քայլեր չի կարելի անել ու վատ մենեջմենթ ունենալ»,- եզրափակեց Ադիբեկյանը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31272 դիտում
2
8119 դիտում
3
2569 դիտում
4
1760 դիտում
5
1635 դիտում
2
19251 դիտում
3
17693 դիտում
4
11364 դիտում
5
8286 դիտում
