Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները

«ՌԱԲԻՍ ԵՐԱԺՇՏՈՒԹՅՈՒՆ ՆՎԱԳՈՂՆԵՐԸ ՉԱՐԱՇԱՀՈՒՄ ԵՆ ՄԵԼԻԶՄՆԵՐՆ ՈՒ ԱՂԱՎԱՂՈՒՄ ԵՐԱԺՇՏՈՒԹՅՈՒՆԸ»

Արխիվ 12-16

«ՌԱԲԻՍ ԵՐԱԺՇՏՈՒԹՅՈՒՆ ՆՎԱԳՈՂՆԵՐԸ ՉԱՐԱՇԱՀՈՒՄ ԵՆ ՄԵԼԻԶՄՆԵՐՆ ՈՒ ԱՂԱՎԱՂՈՒՄ ԵՐԱԺՇՏՈՒԹՅՈՒՆԸ»

 

Օրերս Կոմիտասի անվան կամերային երաժշտության տանը ֆլեյտահար ՎԱԶԳԵՆ ՄԻՆԱՍՅԱՆԸ նշեց իր ծննդյան 75 եւ աշխատանքային գործունեության 55-ամյակները: «Իրավունքի» հետ զրույցում հետադարձ հայացք գցելով անցած տարիներին` նա ասաց. «Հասկանում եմ, որ տարիները շատ արագ են սլացել: Սակայն բոլորն էլ բեղմնավոր են եղել ինձ համար:

Երաժշտական ուսումնարանում սովորելու տարիներին, զուգահեռ` հաճախում էի սպորտ դպրոց` մարմնամարզության: Հետագայում ընտրեցի երաժշտությունն ու չեմ ափսոսում, քանի որ այս ասպարեզում մեծ հաջողություններ ունեցա. հանրապետության դափնեկիր եմ, շատ դափնեկիրներ եմ տվել, հոգեբանամանկավարժական գիտությունների համահայկական ակադեմիայի իսկական անդամ` ակադեմիկոս, դոցենտ եւ հիմա էլ արդեն` ՀՀ մշակույթի նախարարության Գրիգոր Նարեկացի մեդալակիր»: 


«ԼԱՅՆ ՄԱՍՍԱՆԵՐԻՆ ԴՈՒՐ Է ԳԱԼԻՍ ՌԱԲԻՍԸ»
Խոսելով անցած ուղու մասին` Վ. Մինասյանն ասաց, որ երկար տարիներ աշխատել է հանրահայտ դիրիժոր Օհան Դուրյանի ղեկավարությամբ` սիմֆոնիկ նվագախմբում: «Այս նվագախմբի հետ էլ կապեցի իմ ստեղծագործական կյանքի մեծ մասը: Հարազատ սիմֆոնիկ նվագախմբի կազմում ունեցել եմ շուրջ 3000 ելույթներ` նվագելով տարբեր երկրների խոշոր բեմահարթակներում` մեծագույն դիրիժորների, կոմպոզիտորների եւ մենակատարների հետ»,- պատմեց զրուցակիցը:
Անդրադառնալով հոբելյանական համերգին` նշեց. «Երբ նվագեցի «Երեքնուկը», ուսանողներիցս շատերը զարմացած էին, քանի որ ստեղծագործությունը կատարելիս մելիզմներով մատուցեցի, իսկ մինչ այդ` իրենց սովորեցնում էի` մելիզմներից հեռու մնալ: Այո, երբ մելիզմները տեղին ես օգտագործում եւ քիչ քանակությամբ, շատ գեղեցիկ է հնչում մեղեդին: Ռաբիս երաժշտություն նվագողները չարաշահում են մելիզմներն ու աղավաղում երաժշտությունը»,- ասաց ֆլեյտահարը, ապա նշեց, որ, ցավոք սրտի, լայն մասսաներին դուր է գալիս այդ երաժշտությունը:

«ՍԻՄՖՈՆԻԿ ՆՎԱԳԱԽՄԲԻ ՀԱՄԵՐԳՆԵՐՆ ԱՆՑՆՈՒՄ ԷԻՆ ԼԵՓ-ԼԵՑՈՒՆ ԴԱՀԼԻՃՆԵՐՈՒՄ»
Համեմատականներ տանելով անցյալի հետ, վարպետը նկատեց, որ նախկինում ավելի շատ պահանջարկ ուներ դասական երաժշտությունը: «Սիմֆոնիկ նվագախմբի բոլոր համերգներն անցնում էին լեփ-լեցուն դահլիճներում: Այսօր շատ պահանջված է ռաբիս երաժշտությունը. ով ասես` դառնում է ռաբիս նվագող, այսինքն` ժողովրդական գործիքները մելիզմներով չարաշահող»:
Վ. Մինասյանն այս ամենի կողքին դրական տենդենցներ էլ է տեսնում: Ըստ նրա` այն պայմանավորված է արտասահմանի հետ սերտ կապերով. «Աշխարհի լավագույն երաժիշտները գալիս են Հայաստան: Բնականաբար, երաժշտական կյանքը պետք է ակտիվանար: Ովքեր քիչ էին հասկանում դասական երաժշտությունից, համերգներին գնալով` լավ կրթվեցին: Եվ արդեն սիմֆոնիկ համերգներին երբ գնում եմ, հանդիսատեսը փոխվել է, նոր դեմքեր եմ տեսնում: Նշանակում է, որ ժողովրդին պետք է դաստիարակել, կրթել»:

«ԴԱՍԱԿԱՆ ԵՐԱԺՇՏՈՒԹՅՈՒՆԸ ՆԱՀԱՆՋ Է ԱՊՐՈՒՄ»

Վ. Մինասյանը դասավանդում է Խ. Աբովյանի անվան մանկավարժական համալսարանում, մատաղ սերնդից չի դժգոհում. «Բավական մեծ սեր կա մատաղ սերնդի մոտ` երաժշտության նկատմամբ, բայց դասական երաժշտությունը նահանջ է ապրում. դասական բաժիններում դիմորդների սակավություն կա: Ավելի շատ նախապատվություն են տալիս էստրադային, ժողովրդական երգին, պարին, անտեսում դասական վոկալը, դաշնամուրային բաժինը: Ժամանակ է գալու, որ ստիպված ենք լինելու երաժիշտներ հրավիրել արտասահմանից: Նման փորձեր արդեն ունենք»,- եզրափակեց Վ. Մինասյանը:

 

ՎԼԱԴ ՄՈՒՐԱԴՅԱՆ

Հավանեցի՞ր հոդվածը, կիսվիր ընկերներիդ հետ