«ԷԼԻՏԱՐԱՇԻՆՈՒԹՅՈՒՆԸ» ՕՁ ՈՒ ԿԱՐԻՃԻ ՏԱՐԱԾՄԱՆ ՊԱՏՃԱՌ
Արխիվ 12-16
«ԷԼԻՏԱՐԱՇԻՆՈՒԹՅՈՒՆԸ» ՕՁ ՈՒ ԿԱՐԻՃԻ ՏԱՐԱԾՄԱՆ ՊԱՏՃԱՌ
Վերջին ժամանակներս հատկապես մայրաքաղաքից շատ են ահազանգերը` օձերի տարածման հետ կապված: Բնապահպան Կարինե Դանիելյանը մեզ հետ զրույցում եւս հաստատեց այդ փաստը՝ օձերի տարածումը Երեւանում կապելով հետեւյալ հանգամանքի հետ.
-Մենք` բնապահպաններս, դեռեւս 2007թ. հրատարակել էինք գիրք, որտեղ նշել էինք, որ տարեցտարի մայրաքաղաքում աճելու է օձերի եւ կարիճների խայթոցների քանակը, քանի որ մեր քաղաքաշինությունը դեռեւս անկախության տարիներից մայրաքաղաքը սկսել է վերածել անապատի, այսինքն` անցնում ենք ասֆալտ-բետոնային անապատի: Մի կողմից իրականացվում է կանաչապատում, իսկ մյուս կողմից՝ քաղաքաշինությունը գալիս եւ ջնջում է կանաչ տարածքները: Օրինակ՝ Մոնումենտի դիմացի հսկա անտառային զանգվածը տրվել է վիլլաների, շատ ավելի վատ վիճակ է Հյուսիսային պողոտայում. մի հատ ծառի տեղ չկա: Իսկ եթե մենք առանց կանաչ` միայն էլիտար շենքեր ենք ուզում, ուրեմն` պետք է պատրաստ լինենք օձերի եւ կարիճների հետ բնակվելուն:
35 ԴԵՊՔԵՐԻՑ 14-Ը ԳՐԱՆՑՎԵԼ Է
ԵՐԵՎԱՆՈՒՄ
Իսկ թե այս տարի արդեն օձի խայթոցից քանի տուժածներ են դիմել բժշկական կենտրոններ, փորձեցինք պարզել ԱՆ Թեժ գծի աշխատակից Կարինե Հախումյանից, ով նկատեց.
- Այս տարի` այօրվա դրությամբ, 35 օձի խայթոցի դեպք է գրանցվել հանրապետությունում՝ անցած տարվա նույն ժամանակահատավածի 33 դեպքի դիմաց: Այս տարվա 35 դեպքերից 14-ը գրանցվել է Երեւանում, 6 դեպք` Արմավիրում, 6-ը՝ Արարատում, Արագածոտնի եւ Վայոց ձորի մարզում՝ 4-ական դեպքեր եւ ընդամենը մեկ դեպ՝ Սյունիքում: Բոլոր բուժկենտրոնները ապահովված են հակաթույնով, հիմնականում հանրապետությունում տարածում ունի գյուրզա տեսակի օձը: Այս տարի օձի խայթոցից արձանագրվել է մահվան մեկ դեպք:
ԻԼՈՆԱ ԱԶԱՐՅԱՆ
Բաժանորդագրվե՛ք https://t.me/iravunk
1
31272 դիտում
2
8112 դիտում
3
2569 դիտում
4
1760 դիտում
5
1635 դիտում
2
19251 դիտում
3
17693 դիտում
4
11364 դիտում
5
8286 դիտում
