ՐԱՖՖԻ ՀՈՎՀԱՆՆԻՍՅԱՆՆ ԱՐԵՎՄՏՅԱՆ ՀԱՅԱՍՏԱՆՈՒՄ ՏՈՒՆ ՉԻ ԳՆԵԼ, ԲԱՅՑ…
Արխիվ 12-16
ՐԱՖՖԻ ՀՈՎՀԱՆՆԻՍՅԱՆՆ ԱՐԵՎՄՏՅԱՆ ՀԱՅԱՍՏԱՆՈՒՄ
ՏՈՒՆ ՉԻ ԳՆԵԼ, ԲԱՅՑ…
Հունիսի 19-ին Ազատության հրապարակում «Ոչ թալանին» նախաձեռնությունը կազմակերպել էր բողոքի ակցիա` ընդդեմ հոսանքի սակագնի թանկացման: Հանրահավաքին մասնակցում էր նաեւ «Ժառանգություն» կուսակցության առաջնորդ Րաֆֆի Հովհաննիսյանը, ով տեւական ժամանակ է ինչ չի երեւում արենայում: «Իրավունքը» Րաֆֆի Հովհաննիսյանից պարզեց` ինչո՞ւ էր նա վերջերս գնացել Արեւմտյան Հայաստան, արդյոք նա այնտեղ տուն պետք է գներ, ինչպես գրել էր լրատվամիջոցներից մեկը: «Եղել եմ մեր հայրենիքի արեւմտյան հատվածում եւ ԱՄՆ-ում ընտանեկան հարցերի պատճառով: Վերադարձել եմ մի քանի օր առաջ»,- այս կերպ մեկնաբանեց վերոնշյալ խոսակցությունները:
Իսկ թե ինչու էր Րաֆֆի Հովհաննիսյանը մեկնել Արեւմտյան Հայաստան, չմանրամասնեց, միայն ասաց, որ մասնավոր այց էր. «Ցեղասպանության100-ամյակից հետո որոշեցի իմ պապենական գյուղերն այցելել»:
Ի դեպ, նախագահի նախկին թեկնածուն լրատվամիջոցներից մեկի հետ զրույցում ասել էր, որ մեր երկրի որոշ դեսպանների հետ ինչ-որ ծրագիր ու պայմանավորվածություններ ունի, բայց մանրամասներն առայժմ գաղտնի է պահում։ Իսկ պայմանավորվածությունները հիմնականում քաղաքական են: Րաֆֆի Հովհաննիսյանի այս հայտարարությունը դժգոհություն ու զարմանք է առաջացրել քաղաքական ու հանրային շրջանակներում, որոնք սա համարում են պետական դավաճանությանը բնորոշ քայլ կամ ինքափիառի դրսեւորում: Հուսանք` մեր պատմական հայրենիք այցելելը եւս Րաֆֆի Հովհաննիսյանը չի համաձայնեցնում օտար դեսպանների հետ, չնայած պարոն Հովհաննիսյանի նման դրսեւորումը նորություն չէ շատերի համար:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31286 դիտում
2
8551 դիտում
3
2584 դիտում
4
1760 դիտում
5
1640 դիտում
2
19251 դիտում
3
17693 դիտում
4
11374 դիտում
