Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում

ԸՆԴԴԻՄԱԴԻՐ ՈՒԺԵՐԸ ՄԻՄՅԱՆՑ ԿԱՍԿԱԾՈՒՄ Ե՞Ն

Արխիվ 12-16

ԸՆԴԴԻՄԱԴԻՐ ՈՒԺԵՐԸ ՄԻՄՅԱՆՑ  ԿԱՍԿԱԾՈՒՄ Ե՞Ն

 

Օրեր առաջ ԱԺ-ում քվեարկության դրվեց «ակցիզային հարկի դրուքների բարձրացման» ու «Պետական գույքի մասնավորեցման 2006-2007 թվականների ծրագրի մասին» Հայաստանի Հանրապետության օրենքում լրացում կատարելու մասին» նախագծերը, որոնց դեմ էին թե՛ ընդդիմությունը, թե՛ իշխանության որոշ ներկայացուցիչներ: Ըստ էության, եթե ընդդիմությունը բոյկոտեր նիստը,  ապա  քվորում չէր լինի, եւ  օրինագծերը չէին ընդունվի:

«Իրավունքը» ԲՀԿ առաջնորդ Նաիրա Զոհրաբյանից եւ ՕԵԿ խմբակցության ղեկավար  Հեղինե Բիշարյանից պարզեց`ինչո՞ւ ընդդիմությունը չբոյկոտեց նիստը: ԲՀԿ առաջնորդի  խոսքով` եթե վստահություն լիներ, որ բոլորը միասին կբոյկոտեին, ապա կլիներ ուրիշ իրավիճակ: «Յուրաքանչյուր քաղաքական ուժ մտածում էր, որ ինքը  եթե բոյկոտի, մեկ այլ քաղաքական ուժ կմասնակցի նիստին եւ  կքվեարկի դեմ, իսկ դեմ չքվեարկողներն էլ կմեղադրվեն հանրության կողմից հստակ դիրքորոշում չհայտնելու համար:  Այսինքն` զուտ անկազմակերպվածության խնդիր կար:  Ուղղակիորեն չհասցրինք  ընդդիմադիր մյուս ուժերի հետ միասնականորեն քննարկել անելիքները ժամանակի սղության պատճառով»,- ասաց տիկին Զոհրաբյանը:

Հեղինե Բիշարյանն էլ  «Իրավունքի» հետ զրույցում ասաց, որ  ցանկալի կլիներ, եթե միասնական լիներ ընդդիմությունը, բայց  ճնշում չես կարող գործադրել քաղաքական ուժերի եւ պատգամավորների վրա: «Քսան րոպե ընդմիջումը հենց նրա համար էր, որ գուցե քննարկեինք  եւ հարցի կարեւորությունը  հասկանայինք: Բայց ամեն մի խմբակցություն իր  որոշման տերն է»,- մանրամասնեց խմբակցությա ղեկավարը:

Տիկին Բիշարյանից հետաքրքրվեցինք` ՕԵԿ-ն առաջարկե՞լ է մյուս ընդդիմադիր ուժերին  բոյկոտել նիստը: Ի պատասխան` տիկին Բիշարյանն ասաց, որ առաջարկը հենց քսան րոպե ընդմիջումն էր, որ խորհեին եւ հասկանային` քվեարկել պետք չէ: «Բայց դուք տեսնում եք` ով ինչպես քվեարկեց»,- ասաց ՕԵԿ խմբակցության ղեկավարը:

Ինչ վերաբերում է ԲՀԿ խմբակցությունից տարբերվող  ԲՀԿ պատգամավորների քվեարկությանը, Նաիրա Զոհրաբյանի խոսքով` ոչ մի  խնդիր ինքը չի տեսնում, եթե ԲՀԿ  պատգամավոր այլ  կերպ է քվեարկում:  «Մենք առավոտյան նիստ ենք անում, եւ եթե այս կամ այն պատգամավորը  խմբակցությունից տարբերվող  դիրքորոշում  ունեն, դրա մասին անպայման  ասում են»,- եզրափակեց   ԲՀԿ առաջնորդը:


ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ