ԱՇՈՏՅԱՆՆ ԱԿՆԱՐԿԵՑ` ՔՎԵԱՐԿԵԼՈՒ Է ՈՍՏԱՆԻԿ ՄԱՐՈՒԽՅԱՆԻ ՕԳՏԻ՞Ն

ԱՇՈՏՅԱՆՆ ԱԿՆԱՐԿԵՑ` ՔՎԵԱՐԿԵԼՈՒ Է ՈՍՏԱՆԻԿ

ՄԱՐՈՒԽՅԱՆԻ ՕԳՏԻ՞Ն

ԿԳ նախարար Արմեն Աշոտյանն այսօր Հայաստանի Ճարտարագիտական համալսարանում իր ելույթում ասաց, որ համալսարանում սկսված դրական շղթան նաեւ իր շնորհիվ է, քանի որ ինքն է նշանակել Թոքմաջյանին: Նաեւ հավելեց, որ անձնական խնդիրներ չունի ոչ մեկի հետ, իսկ եթե ունի, ապա դրանք փորձում է լուծել համապատասխան ձեւով: Նախարարը շնորհակալություն հայտնեց բոլոր նրանց, անգամ իրեն քննադատող դասախոսին իր ֆեյսբուքյան գրառումներին հետեւելու համար: «Իմ սիրտը շատ է ցավում անկախ խնդիրներ լինել-չլինելուց»,- ասաց նախարարը:

Նախարարը հիշեցրեց` ճարտարագիտական համալսարաննը Թոքմաջյանի ղեկավարման այս մեկ տարին տարբեր խրախուսանքների ու փաստաթղթերի է արժանացել: Աշոտյանը հորդորեց ուսանողներից չնեղանալ. «Այն ամենը, ինչ ես գիտեմ, որոշակի հիմք է ծառայում գուցե ինչ-որ չափով ծայրահեղական ու օբյեկտիվ, լինելու արդարությունը պահելու համար: Ես չեմ ուզենա, որ ձեր թոռների հետ վարվեն այնպես, ինչպես վարվել են կառավարման խորհրդի անդամների հետ»:

Նախարարն անդրադարձավ նաեւ ռեկտորի պաշտոնի համար պայքարող Հովհաննես Թոքմաջյանին ու Ոստանիկ Մարուխյանին: «Չեմ ուզում ոչ Թոքմաջյանին, ով լավ ռեկտոր էր ճարտարապետա-շինարարական համալսարանում, ոչ էլ Ոստանիկ Մարուխյանին, ով լավ ռեկտոր էր ճարտարագիտական համալսարանում պաշտպանել: Ես քվեարկելու եմ խղճի մտոք, չեմ էլ ուզում ասել` ում եմ քվեարկելու, քանի որ արդեն պարզ է: Հիշե՛ք ձեր թոռների ու երեխաների մասին»,- եզրափակեց իր ելույթը Աշոտյանը:

Ըստ էության, Արմեն Աշոտյանը անուն չտվեց, բայց հասկանալի է` կարծես թե կողմ է քվեարկելու Ոստանիկ Մարուխյանին: ԿԳ նախարարից հետո ելույթներով հանդես եկան Հովհաննես Թոքմաջյանն ու Ոստանիկ Մարուխյանը: Թոքմաջյանն իր խոսքն ուղղեց իր գործընկներներին, որոնցով հպարտանում է: «Պոլիտեխնիկն իր առաքելությունն է կատարում է ամբողջ տարածաշրջանում, որի մասին հպանցիկ խոսվեց»,- ասաց Թոքմաջյանը: Նա հայտարարեց, որ իրեն քաղաքական առումով սատարելու մասին խոսք չկա: Եզրափակիչ խոսքում Թոքմաջյանը կոչ արեց քվեարկել խղճի մտոք: Իսկ իր դեմ խոսող ուսանողներին կոչ արեց չգործել ուրիշի թելադրանքով: «Համաձայն չլինելով Ձեզ հետ` սիրում եմ ձեզ»,- ասաց ռեկտորի պաշտոնակատարը:

Ոստանիկ Մարուխյանն էլ կոչ արեց քվեարկել խղճի մտոք, ապա ափսոսանք հայտնեց, որ իր ղեկավարման տարիներին ձեռքբերումների մասին չխոսվեց:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝