ՊԱԿԱՍԵԼ Է 20 ՍՏԱՑՈՂ ԴԻՄՈՐԴՆԵՐԻ ԹԻՎԸ
Արխիվ 12-16
ՊԱԿԱՍԵԼ Է 20 ՍՏԱՑՈՂ ԴԻՄՈՐԴՆԵՐԻ ԹԻՎԸ
Քննական շրջանը, ինչպես ասում են, բուռն ընթացքի մեջ է: Հայտնի են քննական արդյունքները (որոշ քննական առարկաներից):
Գնահատման եւ թեստավորման կենտրոնի տնօրեն ԳԱԳԻԿ ՄԵԼԻՔՅԱՆՆ «Իրավունքի» հետ զրույցում ասաց, որ այս տարի գրեթե բոլոր առարկաների քննական արդյունքները` նախորդ տարվա ճիշտ կրկնօրինակն են, սակայն որոշ առարկաների արդյունքներն անշուշտ այլ են. «Օրինակ` ֆիզիկա առարկայի միջին միավորը այս տարի փոքր-ինչ վատացել է: Միջին գնահատականը մեկ բալով ցածր է նախորդ տարվանից: Այս տարի միջին միավորը 11-ն է, պակասել է նաեւ 20 ստացող դիմորդների թիվը»:
Խոսելով քննական գործընթացի մասին` պարոն Մելիքյանը նշեց, որ գրավոր աշխատանքները մի քանի անգամ մեքենան ստուգում է` բոլոր տեսակի տեխնիկական թերությունները վերացնելու համար: Ամենաշատ բողոքներն այս տարի գրանցվել են Կենսաբանություն առարկայից: «Դա բնական է, քանի որ Կենսաբանություն առարկային մասնակցած դիմորդների թիվը շատ ավելի մեծ է եղել»,- բացատրեց պարոն Մելիքյանը` հույս հայտնելով, որ այս տարի ավելի քիչ բողոքներ են ակնկալում, անցյալ տարի էլ քիչ է եղել, քանի որ զգոն են բոլոր տեսակի տեխնիկական վրիպակների հանդեպ:
ԴԻՄՈՐԴԻ ՄՈՏ ՎԱՅ-ՖԱՅԻ ՍԱՐՔ Է ՀԱՅՏՆԱԲԵՐՎԵԼ
«Իրավունքի» հարցին, թե բջջային հեռախոսներից, ծածկագրերից օգտվելու դեպքեր արձանագրե՞լ են քննության կազմակերպիչները, Գ. Մելիքյանը հետեւյալ կերպ արձագանքեց. «Ներկա կանոնակարգի փոփոխությունը թույլ է տալիս քննասենյակից հեռացնել դիմորդին, եթե նրա մոտ հայտնաբերվի բջջային հեռախոս, ծածկագիր եւ այլն… Ի տարբերություն նախորդ տարիների, այս տարի քիչ դեպքեր են գրանցվել բջջային հեռախոսի հայտնաբերման, ծածկագրից օգտվելու, սակայն դիմորդներից մեկի մոտ վայ-ֆայի սարք են հայտնաբերել, ինչի արդյունքում դիմորդը հեռացվել է քննակենտրոնից: Եվ այդ դիմորդը չի մասնակցի երկրորդ փուլին»,- ասաց Մելիքյանը:
ՎԼԱԴ ՄՈՒՐԱԴՅԱՆ
Բաժանորդագրվե՛ք https://t.me/iravunk
1
31277 դիտում
2
8378 դիտում
3
2574 դիտում
4
1760 դիտում
5
1635 դիտում
2
19251 դիտում
3
17693 դիտում
4
11364 դիտում
