ՍՊՈՐՏՍՄԵՆ ՆԱԽԱՐԱՐԸ ՊԱՏՐԱՍՏ Է ԲԱՔՈՒ ՄԵԿՆԵԼ, ԲԱՅՑ ԺԱՄԱՆԱԿ ՉՈՒՆԻ՞
Արխիվ 12-16
ՍՊՈՐՏՍՄԵՆ ՆԱԽԱՐԱՐԸ ՊԱՏՐԱՍՏ Է ԲԱՔՈՒ ՄԵԿՆԵԼ, ԲԱՅՑ ԺԱՄԱՆԱԿ ՉՈՒՆԻ՞
Երեկ ՀՀ կառավարության նիստից հետո լրագրողներս փորձեցինք ՀՀ սպորտի եւ երիտասարդության հարցերի նախարար ԳԱԲՐԻԵԼ ՂԱԶԱՐՅԱՆԻՑ մեկնաբանություն ստանալ` Բաքվում այս օրերին ընթացող օլիմպիական խաղերի եւ մեր մասնակիցների մասին: Սակայն, ի զարմանս մեզ, մեր մարզիկների գոնե հաղթանակներին անդրադառնալու փոխարեն, պարոն նախարարը խոսեց կարճ ու կոնկրետ. «Շատ նորմալ եմ գնահատում»: Եվ թեպետ անգամ միջազգային մամուլն է գրում, որ ադրբեջանցիները, մեղմ ասած, բացասական տրամադրվածություն ունեն հայ մարզիկների նկատմամբ, բայց Գ. Ղազարյանը հերքեց. «Չկա տենց բան, ես ամեն օր կապնվում եւ խոսում եմ մեր մարզիկների հետ, ամեն ինչ շատ նորմալ է: Դա անվտանգություն խնդիր է, որն իրենք պահպանում են»: Իսկ թե որքանո՞վ է ճիշտ համարում հայերիս մասնակցությունը նավթադոլարներով կազմակերպված Եվրոպական խաղերին` վերջինս վրդովվեց. «Բազմիցս այդ հարցին պատասխանել եմ ու էլ չեմ պատասխանելու, որովհետեւ իմ միտքն արդեն արտահայտել եմ: Բնական է` պետք է գնային, մի՛ խառնեք քաղաքականությունն ու սպորտը: Սա սպորտ է, եւ եթե առաջին Եվրոպական խաղերն է, դա չի նշանակում, որ Ադրբեջանի սեփականությունն է...»: Ինչեւէ, հիշեցնենք պարոն նախարարին, որ երգարվեստն էլ քաղաքականություն չէ, բայց երբ Բաքվում կայացավ հանրահայտ «Եվրատեսիլ» երգի մրցույթը, մերոնք բոյկոտեցին: Բայց այն, ինչ ասաց, Գ. Ղազարյանը իր` Բաքու չմեկնելու վերաբերյալ, ոչ պակաս ուշագրավ էր. «Ծանրաբեռնվածության պատճառով չմեկնեցի»: Երբ ակնարկեցինք, որ գուցե վա՞խ կար, հավելեց. «Բացարձակ, ես պատրասակամ եմ հենց հիմա էլ գնալու, սպորտսմենները վախ չեն ունենում, ասեմ` իմացեք»:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
31322 դիտում
2
11055 դիտում
3
2754 դիտում
4
1783 դիտում
5
1702 դիտում
2
19318 դիտում
3
11374 դիտում
5
8094 դիտում
3
17693 դիտում
